• உதங்க முனிவருக்கு, ஈசன், ஐந்து காலங்களில் ஐந்து நிறங்களில் காட்சி நல்கியத் தலம்.

வேதச் சுருதி என்ற அந்தணன் பூஜித்து, பேயுருவம் நீங்கப் பெற்றான்.

வீரவாதித்தன் என்னும் சோழ அரசன் உலாவரும்பொழுது அவனது யானையைக் கோழி வென்றமையால் இத் தலத்திற்குக் கோழியூர் என்ற பெயரும் உண்டு.

• உறையூர்ப் புராணம்

தேவாரப் பாடல்கள் : பதிகங்கள்    :    சம்பந்தர்    -    1. சாந்தம் வெண்ணீறெனப்பூசி (2.120); பாடல்கள்     :   சேக்கிழார்   -       கற்குடி மாமலை (12.28.343) திருஞானசம்பந்தர் நாயனார் புராணம்.

தல மரம் :  வில்வம்

• இது புகழ்ச்சோழ நாயனார் அவதரித்து ஆட்சி செய்தபதி. அவதாரத் தலம் : உறையூர் (மூக்கீச்சுரம்). வழிபாடு : சங்கம வழிபாடு. முத்தித் தலம் : கருவூர் (கரூர்) குருபூசை நாள் : ஆடி - கார்த்திகை.

• புகழ்ச்சோழ நாயனாரின் திருவுருவச் சிலை திருக்கோயில் வளாகத்தில் உள்ளது.

• தமிழ்நாட்டு மூவேந்தரும் சேர்ந்து வழிபட்ட பதி.

• சோழர் காலக் கல்வெட்டுகள் ஒன்பது படி எடுக்கப்பட்டுள்ளன.

• கோச்செங்கணாரின் மாடக்கோவிலாகும்.