• திருப்பரங்குன்றம் = திரு+பரன்+குன்றம். பரனாகிய சிவபெருமான் வீற்றிருக்கும் குன்றம் ஆதலால் இது திருப்பரங்குன்றம் எனப்பட்டது. திருப்பரங்குன்றமே சிவலிங்க வடிவாக ஆவுடை சூழ அமைந்திருப்பதைக் கண்டு களிக்கலாம். (திருஞானசம்பந்தர் தேவாரத்தில் - பரங்குன்றைச் சித்தமது ஒன்றிச் செய்கழல் உன்னிச் சிவனென்று நித்தலும் ஏத்த - என்று குறிப்பிடுகிறார்.)
• திருப்பரங்கிரி, பரமசினம், சத்யகிரி, கந்தமாதானம், ஸ்ரீ ஸ்கந்தமலை என்று புராணங்களில் போற்றப்படுகிறது.
• சிபிச்சக்ரவர்த்தி பூதானம் செய்யும்போது பெற்றுக்கொள்ள ஒருவர் குறைந்ததாகவும் அதனை பரங்கிரிப் பெருமானே வேற்றுருவில் பெற்றுக்கொண்டதாகவும் புராணம் கூறுகிறது.
• அரிச்சந்திரன் முருகப்பெருமானுக்கு விழா எடுத்து வீடு பெற்றான்.
• முருகப்பெருமான் தெய்வயானையை மணம் புரிந்த பதி.
• நக்கீரர் திருமுருகாற்றுப்படை பாட, முருகன் அவரை பூதத்தின் பிடியிலிருந்து இங்கு விடுவித்தார்.
• பிரம்மா சரஸ்வதி தேவியை மணந்து, பிரம தீர்த்தம் உருவாக்கினார்.
• சாபத் தொழுநோய் உள்ள மன்னன் பிரம தீர்த்தத்தில் மூழ்கியெழுந்து நோய் நீங்கப்பெற்றான்.
• திருமுருகாற்றுப்படை, பரிபாடல், அகநானுறு, மதுரைக்காஞ்சி, கலித்தொகை, பன்னிரு திருமுறை, கல்லாடம், திருப்புகழ், கந்தபுராணம், திருவிளையாடல் புராணம், திருப்பரங்கிரிப் புராணம், சாத்யகிரி மஹாத்ம்யம் மற்றும் பல நூல்கள் திருப்பரங்குன்றத்தைப் புகழ்கின்றன.

தேவாரப் பாடல்கள் : பதிகங்கள்     :    சம்பந்தர்     - 1. நீடலர்சோதி வெண்பிறையோடு (1.100);                       சுந்தரர்      -   கோத்திட்டையுங் கோவலுங் (7.002); பாடல்கள்      :    சம்பந்தர்     -       அண்ணாமலை (2.39);                       அப்பர்       -       திண்குணத்தார் (6.16.4);        பட்டினத்துப் பிள்ளையார்  -       பருப்பதம் (11.30.58) திருஏகம்பமுடையார் திருவந்தாதி;                       சேக்கிழார்     -       தேன் நிலவு பொழில் (12.28.884) திருஞானசம்பந்தர் நாயனார் புராணம்,                                             பரமர் திருப்பரம் குன்றில் (12.37.102 & 103) கழறிற்றறிவார் நாயனார் புராணம்.

• சத்யகிரீஸ்வரர் (சிவபெருமான்), கற்பக விநாயகர், துர்க்கை, முருகப்பெருமான், பவளக்கனிவாய் பெருமாள் ஆகிய ஐந்து சந்நிதிகள் தொடர்ச்சியாக குடைவரையாக அமையப்பெற்ற வித்தியாசமான அமைப்புடையது இத்திருக்கோயில்.
• சத்யகிரீஸ்வரர் கர்ப்பக்கிருகத்தில் சிவலிங்கத் திருமேனிக்குப் பின் உமையோடு இறைவன் எழில் நகை பூத்த திருமுகத்துடன் காட்சி தருவது மனதைக் கொள்ளை கொள்கிறது.
• முருகப்பெருமானின் ஆறுபடைவீடுகளுள் முதலாவதாக விளங்கும் தலம்
• இத்தலம் சிவத்தலமாயினும், இன்றைய நடைமுறையில் முருகனுக்குரிய சிறப்புதலமாகவே வழிபடப்படுகின்றது.
• நக்கீரர் வாழ்ந்த தலம்.
• முருகப்பெருமானின் (ஞான) வேலுக்கு பாலபிஷேகம் செய்வது தனிச்சிறப்பு.
• மலையின் தென்பக்கத்தில் உமையாண்டர் கோயில் என்று அழைக்கப்படும் சுந்தரபாண்டிய ஈஸ்வரமுடையார் குடைவரைக்கோயில் உள்ளது.
• 11 கல் வெட்டுக்கள் கிடைத்துள்ளன. 
• இங்கு காணப்படும் க்ரந்தக் கல்வெட்டில் சிவபெருமானுக்காக இக்கோயில் அமைக்கப்பட்டதாகக் கூறுகிறது.
• ஐரோப்பிய படைகளின் இடிபாடுகளிலிருந்து கோயிலை காப்பதற்காக முத்துக் கருப்பன் மகன் செட்டி என்பவன், கோபுரத்திலிருந்து விழுந்து இறந்துவிட, அவன் குடும்பத்தாருக்கு இறையிலியாக நிலங்கள் அளித்த செய்தியை கல்வெட்டு கூறகிறது.