-
மக்கள் வழக்கில் இலுப்பைப்பட்டு என்று வழங்குகிறது.
-
இத்தலத்தருகே பண்டைக் காலத்தில் மண்ணியாறு ஓடியதால் 'பழ மண்ணிப் படிக்கரை ' என்றாயிற்றென்பர்.
-
இத்தலத்திற்கு மதூகவனம் என்றும் பெயர். (மதூகம் - இலுப்பை; பட்டு - ஊர்) ஒரு காலத்தில் இலுப்பை வனமாக இருந்ததாலும், இத்தல மரம் இலுப்பையாதலினும் இத்தலம் இப்பெயர் பெறலாயிற்று.
-
இறைவன் விஷத்தைப் பருகியபோது உமாதேவி தன் கரத்தால் அவருடைய கழுத்தை ஸ்பரிசித்த தலம்.
-
பாண்டவர்கள் சித்திரைப் பௌர்ணமி நாளில் இங்கு வந்து பஞ்சலிங்கங்களையும் வழிபட்டதாக வரலாறு. பிரமனும் மாந்தாதாவும், நளனும் கூட, இங்கு வந்து வழிபட்டதாக தலவரலாறு கூறுகிறது.
-
தருமர் வழிபட்டது நீலகண்டேஸ்வரர்; வீமன் வழிபட்டது மகதீஸ்வரர்; அருச்சுனன் வழிபட்டது படிக்கரைநாதர்; நகுலன் வழிபட்டது பரமேசர்; சகாதேவன் வழிபட்டது முத்தீசர் என்று சொல்லப்படுகிறது.
-
திரௌபதி வழிபட்டது வலம்புரி விநாயகர் எனப்படுகிறது.
பழமண்ணிப்படிக்கரை (இலுப்பைப்பட்டு)
| இறைவர் திருப்பெயர்: | நீலகண்டேஸ்வரர், முத்தீஸ்வரர், பரமேஸ்வரர், மகதீஸ்வரர், படிக்கரைநாதர். |
|---|---|
| இறைவியார் திருப்பெயர்: | அமிர்தகரவல்லி, மங்களநாயகி. |
| தல மரம்: | |
| தீர்த்தம் : | பிரமதீர்த்தம், அமிர்ததீர்த்தம். மண்ணியாறு |
| வழிபட்டோர்: | சம்பந்தர், சுந்தரர், சேக்கிழார், பாண்டவர்கள், பிரமன், மாந்தாதா, நளன் முதலியோர். |
Sthala Puranam
தேவாரப் பாடல்கள் : பதிகங்கள் : சுந்தரர் - 1. முன்னவன் எங்கள் (7.22); பாடல்கள் : சேக்கிழார் - அங்கு நின்று ஏகி (12.28.288) திருஞானசம்பந்தர் நாயனார் புராணம், கண் நுதலார் விரும்பு (12.29.118) ஏயர்கோன் கலிக்காம நாயனார் புராணம்.
தல மரம் : இலுப்பை
Specialities
-
பிராகாரத்தில் வீமன், நகுல பூசித்த லிங்கங்களும், திரௌபதி வழிபட்ட வலம்புரி விநாயகரும் உள்ளனர்.
-
இத்தலத்திற்குரிய தலபுராணம் மகாவித்வான் மீனாட்சி சுந்தரம்பிள்ளையவர்களால் பாடப்பட்டுள்ளது.
Related Content
| மண்ணிப்படிக்கரைப் புராணம் | மீனாட்சி சுந்தரம் பிள்ளை |
அமைவிடம் இந்தியா - மாநிலம் : தமிழ் நாடு வைத்தீஸ்வரன்கோயில் - திருப்பனந்தாள் சாலையில் இளந்தோப்பு, வளப்புத்தூர் ஆகியவற்றைத் தாண்டி, மணல்மேடு அடைந்து, பஞ்சாலையைக் கடந்து, 'பாப்பாகுடி' என்று கைகாட்டி உள்ள இடத்தில் அதுகாட்டும் சாலையில் (வலப்புறமாக) சென்று பாப்பாகுடியையும் கடந்து சென்றால் இத்தலத்தை அடையலாம். தொடர்புக்கு :- 92456 19738.