-
பிருங்கி முனிவர் வண்டு உருவம் தாங்கி,ஈசனை மட்டும் வலம் வந்து போற்றிய நெறிகண்டு, கேதார விரதம் அனுட்டித்து, உமையம்மை இடப்பகம் பெற்ற திருத்தலம்.
-
சுந்தரரும், சம்பந்தரும் இத் தலத்தைக் காளத்தியிலிருந்து தரிசித்தனர்.
திருக்கேதாரம் (கேதார்நாத்)
| இறைவர் திருப்பெயர்: | கேதாரேஸ்வரர். |
|---|---|
| இறைவியார் திருப்பெயர்: | கேதாரகௌரி. |
| தல மரம்: | |
| தீர்த்தம் : | மந்தாகினி. |
| வழிபட்டோர்: | உமையம்மை, சம்பந்தர், அப்பர், சுந்தரர், திருமூலர், சேக்கிழார், முதலியோர் |
Sthala Puranam
தேவாரப் பாடல்கள் : பதிகங்கள் : சம்பந்தர் - 1. தொண்டரஞ்சு களிறும் (2.114); சுந்தரர் - 1. வாழ்வாவது மாயம்மிது (7.78); பாடல்கள் : அப்பர் - திரையார் புனற்கெடில (6.7.4), பூதியணி பொன்னிறத்தர் (6.51.2), ஆண்டானை அடியேனை (6.54.1), உஞ்சேனை மாகாளம் (6.70.8), கந்தமா தனங்கயிலை (6.71.9); சேக்கிழார் - அங்கண் வடதிசை (12.28.1026) திருஞானசம்பந்தர் நாயனார் புராணம், வட மாதிரத்துப் (12.29.198) ஏயர்கோன் கலிக்காம நாயனார் புராணம், மன்னு திருக் கேதாரம் (12.30,3) திருமூல நாயனார் புராணம்.
Specialities
-
இமய மலையின் பனி சூழ்ந்த சிகரங்களுக்கு மத்தியில் எழிலோடு காட்சியளிக்கின்றது.
-
இத்தலம் கடல் மட்டத்திலிருந்து 14000 அடி உயரமுள்ளது.
-
ஆறு மாதங்கள் தேவர்களாலும், ஆறு மாதங்கள் மனிதர்களாலும் வழிபடப்படுகிறது.
-
இன்றும் கேதார விரதம் ஐப்பசி மாத அமாவாசை நாளில் அனுட்டிக்கப்படுகிறது.
-
கேதார்நாத் யாத்திரை இன்றும் புனிதமாகக் கருதப்படுகிறது.
அமைவிடம் இமயமலைச் சாரலில் உள்ள தலம். டில்லியிலிருந்தும், ஹரித்வாரிலிருந்தும் பஸ் வசதி இருக்கிறது. கௌரிகுண்டதிலிருந்து, 13கீ.மீ.தூரம் மலைப்பாதை. ஆதலால் நடந்தோ, குதிரை மூலமாகவோ செல்ல வேண்டும்