• உதங்க முனிவருக்கு, ஈசன், ஐந்து காலங்களில் ஐந்து நிறங்களில் காட்சி நல்கியத் தலம்.
• வேதச் சுருதி என்ற அந்தணன் பூஜித்து, பேயுருவம் நீங்கப் பெற்றான்.
• வீரவாதித்தன் என்னும் சோழ அரசன் உலாவரும்பொழுது அவனது யானையைக் கோழி வென்றமையால் இத் தலத்திற்குக் கோழியூர் என்ற பெயரும் உண்டு.

• உறையூர்ப் புராணம்

தேவாரப் பாடல்கள் : பதிகங்கள்    :    சம்பந்தர்    -    1. சாந்தம் வெண்ணீறெனப்பூசி (2.120); பாடல்கள்     :  சம்பந்தர்  -  மாட்டூர்மட ப்பாச்சி (2.039), அப்பர் - புறம்ப யத்தெம் முத்தினைப் (4.015.4), தெண்ணீர்ப் புனற்கெடில (6.007.7), ஒப்பொருவ ரில்லாத ஒருவன் (6.033.9),  நறையூரிற் சித்தீச் சரம் (6.070.10), பிறையூருஞ் சடைமுடியெம் (6.071.4), கபிலர் -  விரையார் புனற்கங்கை (11.023.065),  சேக்கிழார்   -       கற்குடி மாமலை (12.28.343) திருஞானசம்பந்தர் நாயனார் புராணம், மறைகளாய நான்கும் (12.35.076), குலகிரியின் கொடுமுடிமேல் (12.47.001), கார் ஏறும் கோபுரங்கள் (12.047.7)
 

தல மரம் :  வில்வம்

• இது புகழ்ச்சோழ நாயனார் அவதரித்து ஆட்சி செய்தபதி. அவதாரத் தலம் : உறையூர் (மூக்கீச்சுரம்). வழிபாடு : சங்கம வழிபாடு. முத்தித் தலம் : கருவூர் (கரூர்) குருபூசை நாள் : ஆடி - கார்த்திகை.

• புகழ்ச்சோழ நாயனாரின் திருவுருவச் சிலை திருக்கோயில் வளாகத்தில் உள்ளது.

• தமிழ்நாட்டு மூவேந்தரும் சேர்ந்து வழிபட்ட பதி.

• சோழர் காலக் கல்வெட்டுகள் ஒன்பது படி எடுக்கப்பட்டுள்ளன.

• கோச்செங்கணாரின் மாடக்கோவிலாகும்.