வேதி - பிரமன். பிரமன் பூசித்த தலமாதலின் வேதிகுடி என்று பெயர் பெற்றது. வேதம் வழிபட்டதாகவும் கூறுவர். ( 'விழுதிகுடி' என்பது மருவி 'வேதிகுடி' ஆயிற்று என்பர் ஒருசாரார்.)

சுவாமி வாழைமடுவில் உற்பத்தியானதால் 'வாழைமடு நாதர் ' என்றும் அழைக்கப்படுகிறார்.

தேவாரப் பாடல்கள் : பதிகங்கள்     :    சம்பந்தர்   - 1. நீறுவரி ஆடரவொ டாமைமன (3.78);                       அப்பர்    - 1. கையது காலெரி நாகங் (4.90); பாடல்கள்      :    சம்பந்தர்   -     குத்தங்குடி வேதி குடி (2.39.10),                         அப்பர்    -      பூதியணி (6.51.2),                                       வீழி மிழலை (6.70.7),                                        நற்கொடிமேல் (6.71.3);                     சேக்கிழார்  -     இறைஞ்சி ஏத்தி (12.28.356 & 357) திருஞானசம்பந்தர் நாயனார் புராணம்.   

தல மரம் : வில்வம்

மகாமண்டபத்தில் உள்ள விநாயகர் (தலவிநாயகர்) வேதவிநாயகர் எனப்படுகிறார்.

இறைவன் நான்கு முகங்களாலும் அருளிச் செய்யும் நான்கு வேதங்களையும் செவிசாய்த்துக் கேட்கும் நிலையில்; இடக்காலை உயர வைத்து அற்புதமாகக் காட்சித் தருகிறார்.

முதலாம் ஆதித்த சோழன் காலக்கோயிலான இக்கோயிலின் கல்வெட்டில், சுவாமி "வேதிகுடி மகாதேவர் " என்றும், "பரகேசரி சதுர்வேதி மங்கலத்து மகாதேவர் " என்றும் குறிக்கப்படுகிறார்.