• சங்க காலச் சேரர்களின் தலைநகரம் வஞ்சி. சேரமன்னர்களின் பிரதான தெய்வமாதலால் இவ்விறைவனுக்கு திருவஞ்சிக்குளம் மஹாதேவர் என்று பெயர். இது மருவி அஞ்சைக்களம் என்று ஆனது.
• பரசுராமர் தாயைக் கொன்ற பாவம் நீங்க வழிபட்ட தலம்.
• இங்குள்ள நடராசர், சேரமான் பெருமான் பூசித்தது. 
• கயிலாயத்திலிருந்து வெள்ளை யானை வந்து இத்தலத்திலிருந்து சுந்தரரைக் கயிலாயத்திற்கு ஏற்றிச் சென்றது வரலாறு.

தேவாரப் பாடல்கள் : 

பதிகங்கள்  :  சுந்தரர்  - 1. தலைக்குத் தலைமாலை (7.004); 

பாடல்கள்    :  அப்பர்    -    கயிலாய மலையுள்ளார் (6.51.8),                               

                                                 தில்லைச் சிற்றம்பலமுஞ் (6.70.5);                             

                    சேக்கிழார்   -   அஞ்சைக் களத்து நஞ்சுண்ட (12.23.8) பெருமிழலைக் குறும்ப நாயனார் புராணம்,                                

                                                 மாவீற்றிருந்த பெரும் சிறப்பின் (12.37.1,7,11,47,145) கழறிற்றறிவார் நாயனார் புராணம்,                               

                                                 ஆய செய்கையில் (12.72.28,32,35,51) வெள்ளானைச் சருக்கம்.

• இத்தலம் கழறிற்றறிவார் நாயனாரின் அவதார மற்றும் முத்தித் தலமாகும். அவதாரத் தலம் : கொடுங்கோளூர் - திருவஞ்சைக்களம் (கொடுங்கலூர்) வழிபாடு    : இலிங்க வழிபாடு. முத்தித் தலம் : திருவஞ்சைக்களம் கொடுங்கலூர். குருபூசை நாள் : ஆடி - சுவாதி.
• ஒரே சந்நிதியில் சேரமான் மற்றும் சுந்தரர் திருமேனிகள் உள்ளன.
• கோயிலுக்குச் செல்லும் போது, வீதியில் நடுவில் உள்ள பெரிய மேடையை "யானைவந்த மேடை" என்று வழங்குகிறார்கள். 
• துவஜஸ்தம்பத்தில் அஷ்ட வித்யேஸ்வரர்களின் உருவங்கள் உள்ளன.
• கேரள முறையைப் பின்பற்றி இத்தலத்திலும் வெடி வெடித்துப் பிரார்த்தனை செய்யும் வழக்கமுண்டு.
• அஞ்சைக்களத்தப்பர் சுயம்பு மூர்த்தி. தரைமட்டத்திற்கு மேல் சில அங்குல உயரமே உள்ளார்.   
• இங்கு சங்காபிஷேகம் சிறப்பான வழிபாடாகும்.
• பிரம்மோத்ஸவம் மாசி மாதத்தில் 8 நாள் நடைபெறுகிறது.
• இங்குள்ள நடராசர் பஞ்சலோகச்சிலை; இதன் கீழ் "திருவஞ்சைக் களத்து சபாபதி" என்று எழுதப்பட்டுள்ளது
• கிழக்கு ராஜகோபுர நுழைவாய் பக்கக்கற்சுவரில், யானை உருவங்கள், வெளியிலிருந்து கோயிலுக்குள் செல்வதுபோலவும், எதிர்சுவரில் கோயிலிலிருந்து வெளியே வருவதுபோலவும் அமைக்கப்பட்டுள்ளன. சுந்தரர், சேரமான் உருவங்கள் செப்புத் திருமேனிகளாக  உள்ளன.
• சுந்தரர் கயிலை சென்ற ஆடி, சுவாதி நன்னாளன்று ஆண்டுதோறும் சுந்தரர், சேரமான் ஆகியோருக்கு அபிஷேகம் செய்து விழா கொண்டாடுகிறார்கள். இந்த ஒரு நாள் மட்டும் தமிழ்நாட்டு முறைப்படி ஆகம பூஜை செய்யப்படுகின்றது.
• இங்குள்ள மரவேலைப்பாடுகள் காணத்தக்கவை.
• வெள்ளைக் கிணறு முக்கியமானது.
• அமாவாசையில் ஆறாட்டு (தீர்த்தவாரி) உற்சவம்.
• திருக்கோயிலின் முன்பு இருந்த கோபுரங்கள் 1670ல் டச்சுக்காரர்கள் தாக்குதலில் உடைக்கப்பட்டன. மேற்குப் பகுதி கோபுரத்தின் கீழ் இரண்டு நிலைகள் மட்டும் எஞ்சின. 
• திப்பு சுல்தானின் கொடிய தாக்குதலால் திருக்கோயில் பெரும் சேதத்திற்கு உள்ளானது. திருக்கோயில் நமஸ்கார மண்டபத்தில் உள்ள மலையாள எழுத்தில் உள்ள சம்ஸ்கிருதக் கல்வெட்டு, 'சமயப் புறத்தோனால் தகர்க்கப்பட்ட திருக்கோயிலை பலியத் கோவிந்தன் அச்சன் என்பவர் மீண்டும் எடுத்துக் கட்டிய' செய்தியைத் தெரிவிக்கிறது.