• அநேக - பலவான; தம் - கொடுத்தல்; கா - காக்கின்ற; பதம் - பதி. இத்தலத்தில் தம்மை வழிபடுபவர்களுக்கு வேண்டும் வரங்களெல்லாம் (சர்வ அபீஷ்ட சித்தி) அளித்து அவர்களைக் காக்கின்ற அற்புதப் பதி.
• இறைவி கௌரி என்னும் நாமத்தோடு தவஞ் செய்த பதி.
• கௌரியன்னை சிவபெருமானின் ஒரு பாகமாக என்றும் பிரியாது இருக்க விரும்பினார். கௌதம மகரிஷி கேதார மாவிரதத்தை அனுஷ்டிக்குமாறு கூறியவண்ணம், கேதாரத் தலத்தின் அடிவாரத்தில் உள்ள இத்தலத்தில் மந்தாகினி நதிக்கரையில் தவம் செய்தார். அவர்தம் தவத்திற்கு மகிழ்ந்த பெருமான் தம்மோடு என்றும் நீங்காத அர்த்தநாரீஸ்வரராக ஏற்று அருளினார். அம்மை தவம் செய்த திருத்தலமே கௌரிகுண்டம் ஆகும். 
• அனேகதங்காவதம் - நீலமுண்ட தடங்கண் உமை பாகம் நிலாயதோர் கோலமுண்டு அளவில்லை  குலாவிய கொள்கையே - என்று இத்தலப் பதிகத்தில் திருஞான சம்பந்தப் பெருமான் உமையம்மை தவம் செய்து பாகம் பெற்றத்தைக் குறிக்கிறார்.

தேவாரப் பாடல்கள் : பதிகங்கள்     :    சம்பந்தர்    -    1.நீடல் மேவுநிமிர் (2.05);

• இது கேதாரத்திற்குச் செல்லும் மலையேற்றப் பாதை துவங்கும் இடத்தில் உள்ளது.
• இங்கு அம்மை திருக்கோயிலும் அதற்கு நேர் எதிரே சிவபெருமானின் சுயம்பு லிங்கத் திருமேனியின் கோயிலும் உள்ளது.
• உமாபதி மஹாதேவரின் சுயம்புலிங்கத் திருமேனி மிகுந்த பரப்பளவு உடையதாகவும், உயரத்தில் சிறியதாகவும் உள்ளது.
• அம்மை ஒற்றைக் காலில் நின்று தவம் செய்யும் அற்புதமான திருவுருவம் அம்மை திருக்கோயிலில் உள்ளது. 
• இக் குண்டத்தில் வெந்நீர் ஊற்று உள்ளது.

கேதார விரத மகிமை (தீபாவளி நோன்பு)

திருக்கேதாரம்