-
நாரை பூஜித்ததால், இப் பெயர்.
-
திருத்தொண்டர் திருவந்தாதி பாடியும் தேவாரத் திருமுறைகளைத் தொகுத்தும் சைவவுலகுக்குப் பேருபகாரம் செய்த நம்பியாண்டார் நம்பி என்ற ஆதி சைவ மறையவர்
அவதரித்துப் புகழ் பெற்ற தலம். நம்பியாண்டார் நம்பிகள் இத்தலத்துப் பொல்லாப் பிள்ளையார் திருவருள் பெற்றே திருமுறைகளைக் கண்டெடுக்கும் ஆற்றல் பெற்றார். -
சுயம்பு மூர்த்தியாதலின் பொள்ளாப் பிள்ளையார் என்ற பெயர் பொல்லாப் பிள்ளையார் என வழங்கலாயிற்று.
திருநாரையூர்
| இறைவர் திருப்பெயர்: | சௌந்தரநாதர் |
|---|---|
| இறைவியார் திருப்பெயர்: | திரிபுரசுந்தரி |
| தல மரம்: | புன்னை (புன்னாகம்.) |
| தீர்த்தம் : | காருண்ய தீர்த்தம். |
| வழிபட்டோர்: | சம்பந்தர், அப்பர், கபிலதேவ நாயனார், நம்பியாண்டார் நம்பி, சேக்கிழார், நாரை. |
Sthala Puranam
தேவாரப் பாடல்கள் : பதிகங்கள் : சம்பந்தர் - 1. உரையினில் வந்தபாவம் (2.86), 2. காம்பினை வென்ற (3.102), 3. கடலிடை வெங்கடு (3.107); அப்பர் - 1. வீறு தானுடை வெற்பன் (5.55), 2. சொல்லானைப் பொருளானை (6.74); நம்பியாண்டார் நம்பி - 1. என்னை நினைந்தடிமை (11.32) திருநாரையூர் விநாயகர் திருஇரட்டை மணிமாலை; பாடல்கள் : சம்பந்தர் - ஆரூர்தில்லை யம்பலம் (2.39.1); அப்பர் - செல்வப் புனற்கெடில (6.07.1), அஞ்சைக் களத்துள்ளார் (6.51.8), நறையூரிற் சித்தீச்சரம் (6.70.10), பிறையூருஞ் சடைமுடியெம் (6.71.4); கபிலதேவ நாயனார் - நக்கரை சாளும் (11.23.45) சிவபெருமான் திருவந்தாதி; சேக்கிழார் - அப்பொழுதே அம்பலத்துள் (12.21.179) திருநாவுக்கரசு சுவாமிகள் புராணம், நம்பரை நலம் திகழ் நாரையூரினில் (12.28.253) திருஞானசம்பந்தர் நாயனார் புராணம்.
தல மரம் : புன்னை மரம்
Specialities
- நம்பியாண்டார் நம்பிகள் அவதரித்த தலம்.
-
திருமுறைகளை வகுக்கும்படி சொன்ன அபயகுல ராச ராச சோழனுக்கும், வகுத்தருளிய
நம்பியாண்டர் நம்பிகட்கும் விக்கிரகங்கள் உள்ளன. -
பொல்லாப் பிள்ளையார் சன்னதி மிகச் சிறப்பு.(பொள்ளா என்பது பொல்லா என்றாயிற்று. பொள்ளா என்பது உளி முதலியவற்றால் செய்யப்படாதது. சுயம்பு மூர்த்தி.)
- கி.பி.11ஆம் நூற்றாண்டுக்குப் பிற்பட்ட கல்வெட்டுகள் நான்கு உள்ளன.
அமைவிடம் மாநிலம் : தமிழ் நாடு இது, சிதம்பரத்திலிருந்து காட்டுமன்னார் கோவில் செல்லும் பஸ் பாதையில் 5-கி.மீ தூரத்தில் இருக்கிறது. சிதம்பரத்திலிருந்து பஸ் வசதி உள்ளது. தொடர்பு : 09442571039, 09443906219