• இறைவனை உமை வழிபட்டுத் தழுவி முத்தமிட்டதால் 'சத்தி முத்தம்' என்று வழங்குகிறது.

   

• அப்பர், தனக்குத் தருவடி தீட்சையருளுமாறு வேண்டிப்பாட, இறைவன் திருநல்லூருக்கு வருமாறு அருளிய சிறப்புடைய பதி. இவ்வாறு அருளிய மூர்த்தியே இங்கு மூலவராக உள்ளார்.

 

 

 

தேவாரப் பாடல்கள்	:   

பதிகங்கள்     :    அப்பர்    -    1. கோவாய் முடுகி யடுதிறற் (4.96); 

பாடல்கள்      :    அப்பர்    -       தில்லைச் சிற்றம்பலமுஞ் (6.70.1); 

         கபிலதேவ நாயனார்  -       மன்னும் பிறப்பறுக்கும் (11.22.37) சிவபெருமான் திருஇரட்டை மணிமாலை; 
                   
                   சேக்கிழார்  -      எறி புனல் பொன் மணி (12.21.192 & 193) திருநாவுக்கரசு சுவாமிகள் புராணம், 
                                       திருவாறை மேற்றளியில் (12.28.390 & 391) திருஞானசம்பந்தர் நாயனார் புராணம். 

• மூலவர் பக்கத்தில் தலவரலாற்றுச் சிறப்புடைய - இறைவி சிவலிங்கத்தைக் கட்டித் தழுவி முத்தமிட்ட திருக்கோல உருவத்தைக் கண்டுத் தரிசிக்கலாம்.

   

• மூல வாயிலின் முன்னால் ஒருபுறத்தில், சத்தி முத்தம் தரும் தல ஐதீக மூர்த்தி உள்ளார்.

   

• சம்பந்தர் இத்தலத்திலிருந்து இறைவன் அருளிய முத்துப்பந்தர் நிழலில் திருப்பட்டீச்சுரம் சென்று வணங்கிப் பதிகம் பாடினார்.

   

• கல்வெட்டில் இறைவன் "திருச்சத்தி முற்றம் உடையர், திருச்சத்திவனப் பெருமாள்" எனக் குறிக்கப்படுகிறார்.

   

• அக்காலத்தில் கோயில் நிலங்களில் வரிகளை வசூலிக்கும் விதிமுறைகளைப் பற்றியும், விளக்கெரிக்க காசும், ஆடும் அளித்ததையும் கல்வெட்டுக்கள் தெரிவிக்கின்றன.

   

• ( 'நாரைவிடு தூது ' பாடிய சத்திமுற்றுப்புலவர் இவ்வூரினரே.)

அமைவிடம் மாநிலம் : தமிழ் நாடு கும்பகோணம் - ஆவூர் நகரப் பேருந்துகளில் எளிதில் இத்தலத்திற்கு செல்லலாம். தொடர்புக்கு : 9443678575 , 04374 - 267237.