umAmaheshvara stotram

Please send your corrections

namaH shivAbhyAM navayauvanAbhyAM parasparAshliShTa vapurdharAbhyAm |
nagendrakanyAvR^iShaketanAbhyAM namo namaH sha~NkarapArvatIbhyAM ||

namaH shivAbhyAM sarasotsavAbhyAM namaskR^itAbhIShTavarapradAbhyAm |
nArAyaNenArchitapAdukAbhyAM namo namaH sha~NkarapArvatIbhyAm ||

namah shivAbhyAM vR^iShavAhanAbhyAM viri~nchiviShNvindrasupUjitAbhyAm |
vibhUtipATiravilepanAbhyAM namo namaH sha~NkarapArvatIbhyAM ||

namaH shivAbhyAM jagadIshvarAbhyAM jagatpatibhyAM jayavigrahAbhyAm |
jambhArimukhyairabhivanditAbhyAM namo namaH sha~NkarapArvatIbhyAM ||

namaH shivAbhyAM paramauShadhAbhyAm pa~nchAxarI pa~njarara~nchitAbhyAm |
prapa~ncha sR^iShTisthiti saMhR^itAbhyAM namo namaH sha~NkarapArvatIbhyAM ||

namaH shivAbhyAmatisundarAbhyAm atyantamAsaktahR^idambujAbhyAm |
asheShalokaikahita~NkarAbhyAM namo namaH sha~NkarapArvatIbhyAM ||

namaH shivAbhyAM kalinAshanAbhyAM ka~NkAlakalyANavapurdharAbhyAm |
kailAshashailasthitadevatAbhyAM namo namaH sha~NkarapArvatIbhyAM ||

namaH shivAbhyAmashubhApahAbhyAm asheShalokaikavisheShitAbhyAm |
akuNThitAbhyAM smR^itisaMbhR^itAbhyAM namo namaH sha~NkarapArvatIbhyAM ||

namaH shivAbhyAM rathavAhanAbhyAM ravInduvaishvAnaralochanAbhyAm |
rAkA shashA~NkAbha mukhAmbujAbhyAM namo namaH sha~NkarapArvatIbhyAM ||

namaH shivAbhyAM jaTilandharAbhyAM jarAmR^itibhyAm cha vivarjitAbhyAm |
janArdanAbjodbhavapUjitAbhyAM namo namaH sha~NkarapArvatIbhyAM ||

namaH shivAbhyAM viShamexaNAbhyAM bilvachchhadAmallikadAmabhR^idbhyAm |
shobhAvatI shAntavatIshvarAbhyAM namo namaH sha~NkarapArvatIbhyAM ||

namaH shivAbhyAM pashupAlakAbhyAm jagattrayIraxaNa baddahR^idbhyAm |
samasta devAsurapUjitAbhyAm namo namaH sha~NkarapArvatIbhyAM ||

stotraM trisandhyaM shivapArvatIbhyAM bhaktyA paTheddvAdashakaM naro yaH |
sa sarvsaubhAgya phalAni bhu~Nkte shatAyurante shivalokameti ||

  || iti shrI sha~NkarAchArya kR^ita umAmaheshwara stotram ||
Back to Shaivam Home Page