திருக்கண்ணார் கோயில் (குறுமாணக்குடி)

இறைவர் திருப்பெயர்		: கண்ணாயிரமுடையார், கண்ணாயிரநாதர், சஹஸ்ரநேத்ரேஸ்வரர்.
இறைவியார் திருப்பெயர்		: முருகுவளர்கோதை, சுகந்தகுந்தளாம்பிகை
தல மரம்			: சரக்கொன்றை
தீர்த்தம்				: இந்திர தீர்த்தம் 
வழிபட்டோர்			: இந்திரன்
தேவாரப் பாடல்கள்		: சம்பந்தர்.

தல வரலாறு

இத்தலம் மக்கள் வழக்கில் குறுமாணக்குடி என்று வழங்குகிறது.
இந்திரனின் சாபம் இங்கு நீங்கியதாக ஐதீகம்.

சிறப்புக்கள்

மூலவர் - சுயம்பு திருமேனி; சற்று உயரமாக உள்ளது. பெயருக்கேற்பத் திருமேனி முழுவதிலும் கண்கள் போன்று பள்ளம் பள்ளமாக உள்ளன.
திருமணமாகாதோர் இங்கு வந்து சுவாமிக்கு மாலை சார்த்தி வழிபடுதலும், அவ்வாறு வழிபட்டோர் திருமணத்திற்கு பிறகும் இங்கு வந்து மாலை சார்த்துதலும் மரபாக உள்ளது.

அமைவிடம்

மாநிலம் : தமிழ் நாடு
வைத்தீஸ்வரன் கோயில் - மயிலாடுதுறை பேருந்துப் பாதையில் 'பாகசாலை' என்னும் கைகாட்டி உள்ள இடத்தில் அதுகாட்டும் வழியில் (இடப்பக்கமாக) 3 கி.மீ. சென்றால் 'கண்ணாயிரமுடையார் கோயில் ' என்னும் இத்திருக்கண்ணார் கோயிலை அடையலாம். பேருந்து வசதி உள்ளது.

< PREV <
காவிரி வடகரை 16வது தலம்
புள்ளிருக்குவேளூர் Table of Contents > NEXT >
காவிரி வடகரை 18வது தலம்
திருக்கடைமுடி