logo

|

Home >

Scripture >

scripture >

Malayalam

വിശ്വമൂര്ത്തി സ്തോത്രം - Vishvamoorti Stotram

Vishvamoorti Stotram

അകാരണായാഖിലകാരണായ നമോ മഹാകാരണകാരണായ | 
നമോഽസ്തു കാലാനലലോചനായ കൃതാഗസം മാമവ വിശ്വമൂര്ത്തേ ||൧|| 

 

നമോഽസ്ത്വഹീനാഭരണായ നിത്യം നമഃ പശൂനാം പതയേ മൃഡായ | 
വേദാന്തവേദ്യായ നമോ നമസ്തേ കൃതാഗസം മാമവ വിശ്വമൂര്ത്തേ ||൨||

 

നമോഽസ്തു ഭക്തേഹിതദാനദാത്രേ സര്വൗഷധീനാം പതയേ നമോഽസ്തു |
ബ്രഹ്മണ്യദേവായ നമോ നമസ്തേ കൃതാഗസം മാമവ വിശ്വമൂര്ത്തേ ||൩|| 

 

കാലായ കാലാനലസന്നിഭായ ഹിരണ്യഗര്ഭായ നമോ നമസ്തേ | 
ഹാലാഹലാദായ സദാ നമസ്തേ കൃതാഗസം മാമവ വിശ്വമൂര്ത്തേ ||൪|| 

 

വിരിഞ്ചിനാരായണശക്രമുഖ്യൈരജ്ഞാതവീര്യായ നമോ നമസ്തേ | 
സൂക്ഷ്മാതിസൂക്ഷ്മായ നമോഽഘഹന്ത്രേ കൃതാഗസം മാമവ വിശ്വമൂര്ത്തേ ||൫|| 

 

അനേകകോടീന്ദുനിഭായ തേഽസ്തു നമോ ഗിരീണാം പതയേഽഘഹന്ത്രേ | 
നമോഽസ്തു തേ ഭക്തവിപദ്ധരായ കൃതാഗസം മാമവ വിശ്വമൂര്ത്തേ || ൬|| 

 

സര്വാന്തരസ്ഥായ വിശുദ്ധധാമ്നേ നമോഽസ്തു തേ ദുഷ്ടകുലാന്തകായ | 
സമസ്തതേജോനിധയേ നമസ്തേ കൃതാഗസം മാമവ വിശ്വമൂര്ത്തേ ||൭|| 

 

യജ്ഞായ യജ്ഞാദിഫലപ്രദാത്രേ യജ്ഞസ്വരൂപായ നമോ നമസ്തേ | 
നമോ മഹാനന്ദമയായ നിത്യം കൃതാഗസം മാമവ വിശ്വമൂര്ത്തേ ||൮|| 

 

ഇതി സ്തുതോ മഹാദേവോ ദക്ഷം പ്രാഹ കൃതാഞ്ജലിം | 
യത്തേഽഭിലഷിതം ദക്ഷ തത്തേ ദാസ്യാമ്യഹം ധ്രുവം ||൯|| 

 

അന്യച്ച ശ്രൃണു ഭോ ദക്ഷ യച്ച കിഞ്ചിദ്ബ്രവീമ്യഹം | 
യത്കൃതം ഹി മമ സ്തോത്രം ത്വയാ ഭക്ത്യാ പ്രജാപതേ ||൧൦|| 

 

യേ ശ്രദ്ധയാ പഠിഷ്യന്തി മാനവാഃ പ്രത്യഹം ശുഭം |
നിഷ്കല്മഷാ ഭവിഷ്യന്തി സാപരാധാ അപി ധ്രുവം ||൧൧|| 

 

ഇതി ദക്ഷകൃതം വിശ്വമൂര്ത്തിസ്തോത്രം സംപൂര്ണം ||

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram