hālāsya stuti

paripūrṇa-parānanda-satyajñānādvayātmakam. 
bhajāmi sundareśānaṃ mahadadbhutatāṇḍavam.. 1 ..

śrīmatpañcākṣaramayaṃ pañcakṛtyaikakāraṇam. 
bhajāmi sundareśānaṃ mahadadbhutatāṇḍavam.. 2 ..

viśvādhikaṃ viśvarūpaṃ viśvātmānaṃ parātparam. 
bhajāmi sundareśānaṃ mahadadbhutatāṇḍavam.. 3 ..

yogābhyāsa-rataissadbhiḥ sadā dhyeyaṃ susiddhidam. 
bhajāmi sundareśānaṃ mahadadbhutatāṇḍavam.. 4 ..

bhaktāpadbhañjanaparaṃ bhaktigamyaṃ bhavāpaham. 
bhajāmi sundareśānaṃ mahadadbhutatāṇḍavam.. 5 ..

bhogamokṣapradaṃ puṃsāṃ āgamāntairabhiṣṭutam. 
bhajāmi sundareśānaṃ mahadadbhutatāṇḍavam.. 6 ..

dvādaśāntagataṃ sūkṣmaṃ soma-sūryāgni-koṭibham. 
bhajāmi sundareśānaṃ mahadadbhutatāṇḍavam.. 7 ..

ṣaṭtriṃśattatva-sopāna-mahāprāsāda-madhyagam. 
bhajāmi sundareśānaṃ mahadadbhutatāṇḍavam.. 8 ..

kālātītaṃ kālakālaṃ kalādharakalādharam. 
bhajāmi sundareśānaṃ mahadadbhutatāṇḍavam.. 9 ..

sūkṣmapañcākṣarībhūta-praṇavāgāra-madhyagam. 
bhajāmi sundareśānaṃ mahadadbhutatāṇḍavam.. 10 ..

nivṛttyādikalātītaṃ nityaṃ sakalaniṣkalam. 
bhajāmi sundareśānaṃ mahadadbhutatāṇḍavam.. 11 ..

sarvasampatkarassadyaḥ sarvāpadbhañjanakṣamam. 
bhajāmi sundareśānaṃ mahadadbhutatāṇḍavam.. 12 ..

vītāghasaṅghai-rvibudhai-rviśiṣṭai
rvidyāviśeṣārcita-pādapadma. 
hālāsyanāthāya namo'stu tubhyaṃ 
śrīsundareśādbhuta-tāṇḍaveśa.. 13 ..