evamaaraadhya gaurIshaM devaM mRutyu~jjayeshvaram ||
mRutasa~jjIvanaM naamnaa kavachaM prajapetsadaa ||1||
saaraatsaarataraM puNyaM guhyaadguhyataraM shubham ||
mahaadevasya kavachaM mRutasa~jjIvanaabhidham ||2||
samaahitamanaa bhootvaa shrRuNuShva kavachaM shubham ||
shrutvaitaddivyakavacaM rahasyaM kuru sarvadaa ||3||
varaabhayakaro yajvaa sarvadevaniShevitaH ||
mRutyu~jjayo mahaadevaH praacyaaM maaM paatu sarvadaa ||4||
dadhaanaH shaktimabhayaaM trimuKaH ShaDbhujaH prabhuH ||
sadaashivo&gniroopI maamaagneyyaaM paatu sarvadaa ||5||
aShTaadashabhujopeto daNDaabhayakaro vibhuH ||
yamaroopI mahaadevo dakShiNasyaaM sadaa&vatu ||6||
KaDgaabhayakaro dhIro rakShogaNaniShevitaH ||
rakShoroopI mahesho maaM nairRutyaaM sarvadaa&vatu ||7||
paashaabhayabhujaH sarvaratnaakaraniShevitaH ||
varuNaatmaa mahaadevaH pashcime maaM sadaa&vatu ||8||
gadaabhayakaraH praaNanaayakaH sarvadaagatiH ||
vaayavyaaM maarutaatmaa maaM sha~gkaraH paatu sarvadaa ||9||
sha~gKaabhayakarastho maaM naayakaH parameshvaraH ||
sarvaatmaantaradigbhaage paatu maaM sha~gkaraH prabhuH ||10||
shoolaabhayakaraH sarvavidyaanaamadhinaayakaH ||
Ishaanaatmaa tathaishaanyaaM paatu maaM parameshvaraH ||11||
oordhvabhaage brahmaroopI vishvaatmaa&dhaH sadaa&vatu ||
shiro me sha~gkaraH paatu lalaaTaM chandrasheKaraH ||12||
bhrumadhyaM sarvalokeshastrinetro lochane&vatu ||
bhruyugmaM girishaH paatu karNau paatu maheshvaraH ||13||
naasikaaM me mahaadeva oShThau paatu vRuShadhvajaH ||
jihvaaM me dakShiNaamoortirdantaanme girisho&vatu ||14||
mRutyu~jjayo muKaM paatu kaNThaM me naagabhooShaNaH ||
pinaakI matkarau paatu trishoolI hRudayaM mama ||15||
pa~jchavaktraH stanau paatu udaraM jagadIshvaraH ||
naabhiM paatu viroopaakShaH paarshvou me paarvatIpatiH ||16||
kaTidvayaM girIsho me pRuShThaM me pramathaadhipaH ||
guhyaM maheshvaraH paatu mamoroo paatu bhairavaH ||17||
jaanunI me jagaddhartaa ja~gghe me jagadambikaa ||
paadau me satataM paatu lokavandyaH sadaashivaH ||18||
girIshaH paatu me bhaaryaaM bhavaH paatu sutaanmama ||
mRutyu~Jjayo mamaayuShyaM cittaM me gaNanaayakaH ||19||
sarvaa~ggaM me sadaa paatu kaalakaalaH sadaashivaH ||
etatte kavachaM puNyaM devataanaaM cha durlabham ||20||
mRutasa~jjIvanaM naamnaa mahaadevena kIrtitam ||
sahasraavartanaM chaasya purashcaraNamIritam ||21||
yaH paThecCRuNuyaannityaM shraavayetsusamaahitaH ||
sa kaalamRutyuM nirjitya sadaayuShyaM samashnute ||22||
hastena vaa yadaa spRuShTvaa mRutaM sa~jjIvayatyasau ||
aadhayo vyaadhayastasya na bhavanti kadaachana ||23||
kaalamRutyumapi praaptamasau jayati sarvadaa ||
aNimaadiguNaishvaryaM labhate maanavottamaH ||24||
yuddhaarambhe paThitvedamaShTaaviMshativaarakam ||
yuddhamadhye sthitaH shatruH sadyaH sarvairna dRushyate ||25||
na brahmaadIni chaastraaNi kShayaM kurvanti tasya vai ||
vijayaM labhate devayuddhamadhye&pi sarvadaa ||26||
praatarutthaaya satataM yaH paThetkavachaM shubham ||
akShayyaM labhate sauKyamiha loke paratra cha ||27||
sarvavyaadhivinirmuktaH sarvarogavivarjitaH ||
ajaraamaraNo bhootvaa sadaa ShoDashavaarShikaH ||28||
vicaratyaKilaaMllokaanpraapya bhogaaMSca durlabhaan ||
tasmaadidaM mahaagopyaM kavachaM samudaahRutam ||29||
mRutasa~jjIvanaM naamnaa daivatairapi durlabham ||30||
iti shrIvasiShThapraNItaM mRutasa~jjIvanastotraM sampoorNam ||