ಅನಾದಿ ಕಲ್ಪೇಶ್ವರ ಸ್ತೋತ್ರಮ್

Anaadi Kalpeshvara Stotram


ಶಿವಾಯ ನಮಃ || 

ಅನಾದಿಕಲ್ಪೇಶ್ವರಸ್ತೋತ್ರಮ್ |

ಕರ್ಪೂರಗೌರೋ ಭುಜಗೇನ್ದ್ರಹಾರೋ ಗಙ್ಗಾಧರೋ ಲೋಕಹಿತಾವರಃ ಸಃ | 
ಸರ್ವೇಶ್ವರೋ ದೇವವರೋಽಪ್ಯಘೋರೋ ಯೋಽನಾದಿಕಲ್ಪೇಶ್ವರ ಏವ ಸೋಽಸೌ ||೧||

ಕೈಲಾಸವಾಸೀ ಗಿರಿಜಾವಿಲಾಸೀ ಶ್ಮಶಾನವಾಸೀ ಸುಮನೋನಿವಾಸೀ | 
ಕಾಶೀನಿವಾಸೀ ವಿಜಯಪ್ರಕಾಶೀ  ಯೋಽನಾದಿಕಲ್ಪೇಶ್ವರ ಏವ ಸೋಽಸೌ ||೨|| 

ತ್ರಿಶೂಲಧಾರೀ ಭವದುಃಖಹಾರೀ ಕನ್ದರ್ಪವೈರೀ ರಜನೀಶಧಾರೀ | 
ಕಪರ್ದಧಾರೀ ಭಜಕಾನುಸಾರೀ ಯೋಽನಾದಿಕಲ್ಪೇಶ್ವರ ಏವ ಸೋಽಸೌ||೩|| 

ಲೋಕಾಧಿನಾಥಃ ಪ್ರಮಥಾಧಿನಾಥಃ ಕೈವಲ್ಯನಾಥಃ ಶ್ರುತಿಶಾಸ್ತ್ರನಾಥಃ | 
ವಿದ್ಯಾರ್ಥನಾಥಃ ಪುರುಷಾರ್ಥನಾಥೋ ಯೋಽನಾದಿಕಲ್ಪೇಶ್ವರ ಏವ ಸೋಽಸೌ ||೪|| 

ಲಿಙ್ಗಂ ಪರಿಚ್ಛೇತ್ತುಮಧೋಗತಸ್ಯ ನಾರಾಣಶ್ಚೋಪರಿ ಲೋಕನಾಥಃ | 
ಬಭೂವತುಸ್ತಾವಪಿ ನೋ ಸಮರ್ಥೋ ಯೋಽನಾದಿಕಲ್ಪೇಶ್ವರ ಏವ ಸೋಽಸೌ ||೫|| 

ಯಂ ರಾವಣಸ್ತಾಣ್ಡವಕೌಶಲೇನ ಗೀತೇನ ಚಾತೋಷಯದಸ್ವ ಸೋಽತ್ರ | 
ಕೃಪಾಕಟಾಕ್ಷೇಣ ಸಮೃದ್ಧಿಮಾಪ ಯೋಽನಾದಿಕಲ್ಪೇಶ್ವರ ಏವ ಸೋಽಸೌ ||೬|| 

ಸಕೃಚ್ಚ ಧಾಣೋಽವನಮಯ್ಯ ಶೀರ್ಷಂ ಯಸ್ಯಾಗ್ರತಃ ಸೋಽಪ್ಯಲಭತ್ಸಮೃದ್ಧಿಮ್ | 
ದೇವೇನ್ದ್ರಸಂಪತ್ತ್ಯವಿಕಾಙ್ಗರಿಷ್ಠಾಂ ಯೋಽನಾದಿಕಲ್ಪೇಶ್ವರ ಏವ ಸೋಽಸೌ ||೭|| 

ಗುಣಾನ್ವಿಮಾತುಂ ನ ಸಮರ್ಥ ಏಷ ವೇಷಶ್ಚ ಜೀವೋಽಪಿ ವಿಕುಣ್ಠಿತೋಽಸ್ಯ |
ಶ್ರುತಿಶ್ಚ ನೂನಂ ಚಕಿತಂ ಬಭಾಷೇ ಯೋಽನಾದಿಕಲ್ಪೇಶ್ವರ ಏವ ಸೋಽಸೌ ||೮|| 

ಅನಾದಿ ಕಲ್ಪೇಶ ಉಮೇಶ ಏತತ್ ಸ್ತವಾಷ್ಟಕಂ ಯಃ ಪಠತಿ ತ್ರಿಕಾಲಮ್ | 
ಸಧೌತಪಾಪೋಽಖಿಲಲೋಕವನ್ದ್ಯಂ ಶೈವಂ ಪದಂ ಯಾಸ್ಯತಿ ಭಕ್ತಿಮಾಂಶ್ಚೇತ್ ||೯|| 

ಇತಿ ಶ್ರೀವಾಸುದೇವಾನನ್ದಸರಸ್ವತೀಕೃತಮನಾದಿಕಲ್ಪೇಶ್ವರಸ್ತೋತ್ರಂ ಸಂಪೂರ್ಣಮ್ ||

Back to Sanskrit Page
Back to Hindu Scriptures and Stotras Main Page
Back to Shaivam Home Page