শিৱভক্তি কল্প লতিকা স্তোত্রম

Shiva Bhakti Kalpa Latika Stotram


শিৱভক্তিকল্পলতিকাস্তোত্রম

শ্রীকান্তপদ্মজমুখৈর্হৃদি চিন্তনীযং 
শ্রীমত্ক্ৱ শঙ্কর ভৱচ্চরণারৱিন্দম | 
ক্ৱাহং তদেতদুপসেৱিতুমীহমানো  
হা হন্ত কস্য ন ভৱাম্যুপহাসপাত্রম ||১|| 

অদ্রাক্ষমঙ্ঘ্রিকমলং ন তৱেতি যন্মে
দুঃখং যদপ্যনৱমৃশ্য দুরাত্মতাং স্ৱাম | 
পাদাংবুজং তৱ দিদৃক্ষ ইতীদৃগাগঃ 
পাতোঽনলে প্রতিকৃতির্গিরিশৈতযোর্মে ||২|| 

দৌরাত্ম্যতো মম ভৱত্পদদর্শনেচ্ছা 
মন্তুস্তথাপি তৱ সা ভজনাত্মিকেতি | 
স্যাদীশিতুর্মযি দযৈৱ দযামকার্র্ষী-
রশ্মাদিভিঃ প্রহৃতৱত্সু ন কিং ৱিভো ত্ৱম ||৩||

দুঃখানলোদরনিপাতনধূর্ৱদেষৱে-
ষ্ৱর্থাঙ্গনাসুত মুখেষৱনুরাগ আগঃ | 
স্যাত্তে রুষে তৱ দযালুতযা ত্ৱদান-
ত্যাদ্যৈর্ৱিভো তদৱধূয বিভর্ষি চাস্মান ||৪|| 

ঈশান রক্ষিতুমিমান্যদপেক্ষসে ত্ৱং 
নত্যাদিকং তদপনেতুমতিপ্রসঙ্গম | 
কিং হীযতে তদনুপাধিকৃপালুতা তে 
সংৱিত্সুখস্য ন হি তে প্রিযমপ্রিযং ৱা ||৫|| 

অপ্যাহর প্রহর সংহর ৱাগ্ৱদস্য 
ত্রাতাস্যুপাত্তমমুনা মম নাম হীতি | 
এৱং ৱিভো তনুভৃতামৱনেঽপ্যুপাযা-
ন্ৱেষী কথং পরমকারুণিকোঽসি ন ত্ৱম ||৬|| 

ত্রাতা দযাজলনিধিঃ স্মৃতিমাত্রলভ্যঃ 
ক্ষন্তাঽঽগসামিতি ভৱদ্যশসা হৃতাত্মা | 
স্ৱামস্মরন্বত মলীমসতামলজ্জো 
ভক্তিং ভৱত্যভিলষামি ধিগস্তু যন্মাম ||৭|| 

শর্মাপ্তিরার্তিৱিহতিশ্চ ভৱত্প্রসাদং 
শংভোর্ৱিনা ন হি নৃণাং স চ নান্তরা যাম | 
যস্যাং ৱিধিঃ শ্ৱভুগপি ক্ষমতে সমং তাং 
ত্ৱদ্ভক্তিমিচ্ছতু ন কঃ স্ৱৱিনাশভীরুঃ ||৮|| 

ভক্তির্ৱিভাত্যযি মহত্যপরং তু ফল্গ্ৱি-
ত্যেৱং গ্রহো ননু ভৱত্কৃপযৈৱ লভ্যঃ | 
লব্ধস্ত্ৱসৌ ফলমমুষ্য লভে ন কিং ৱা 
তাং হন্ত তে তদযশো মম হৃদ্রুজা চ ||৯|| 

ত্ৱদ্ভক্ত্যসংভৱশুচং প্রতিকারশূন্যা-
মন্তর্ৱহন্নিখিলমীশ সুখং চ দুঃখম | 
উদ্বন্ধলগ্ন ইৱ দুঃখতযৈৱ মন্যে 
সন্তান্যতীতি মযি হন্ত কদা দযেথাঃ ||১০|| 

ভক্তিং ভৱত্যৱিহিতাং ৱহতস্তু তদ্ৱি-
শেষোপলংভৱিরহাহিতমস্তু দুঃখম | 
তস্যাঃ প্রতীপততিভির্হতিজং কথং ৱা 
দুঃখং সহে মযি কদেশ কৃপা ভৱেত্তে ||১১|| 

লগ্নঃ কৃতান্তৱদনেঽস্মি লভে চ নাদ্যা-
প্যচ্ছাং রতিং ত্ৱযি শিৱেত্যৱসীদতো মে | 
ত্ৱদ্ৱিস্মৃতিং কুৱিষযাভিরতিপ্রচারৈ-
স্তন্ৱন হি মাং হসপদং তনুষে ব্রুৱে কিম ||১২|| 

বদ্ধস্পৃহং রুচিরকাঞ্চনভূষণাদৌ 
বালং ফলাদিভিরিৱ ত্ৱযি ভক্তিযোগে| 
আশাভরাকুলমহো করুণানিধে মা-
মর্থান্তরৈর্হৃতধিযং কুরুষে কিমেৱম ||১৩|| 

তিক্তগ্রহোঽধি মধুরং মধুরগ্রহোঽধি 
তিক্তং যথা ভুজগদষ্টতনোস্তথাঽহম | 
ত্ৱয্যস্তরক্তিরিতরত্র তু গাঢমগ্নঃ 
শোচ্যোঽশ্মনোঽপি হি ভৱামি কিমন্যদীশ ||১৪|| 

ত্ৱত্সংস্মৃতি ত্ৱদভিধানসমীরণাদি
সংভাৱনাস্পদমমী মম সন্তু শোকাঃ | 
মা সন্তু চ ত্ৱদনুষক্তিমুষঃ প্রহর্ষা 
মা ত্ৱত্পুরঃ স্থিতিপুষেশ দ্রুশাঽনুপশ্য ||১৫|| 

সংপাতনং ননু সুখেষু নিপাতনং ৱা 
দুঃখেষ্ৱথান্যদপি ৱা ভৱদেকতানম | 
যত্কল্পযের্ননু ধিযা শিৱ তদ্ৱিধেহি 
নাৱৈম্যহং মম হিতং শরণং গতস্ত্ৱাম ||১৬||

দুঃখং প্রদিত্সুরযি মে যদি ন প্রদদ্যা 
দুঃখাপহং পুরহর ত্ৱযি ভক্তিযোগম | 
ত্ৱদ্ভক্ত্যলাভপরিচিন্তনসংভৱং মে 
দুঃখং প্রদেহি তৱ কঃ পুনরত্র ভারঃ ||১৭|| 

ভক্তযা ত্ৱযীশ কতি নাশ্রুপরীতদ্দষ্ট্যা 
সঞ্জাতগদ্গদগিরোত্পুলকাঙ্গযষ্ট্যা | 
ধন্যাঃ পুনন্তি ভুৱনং মম সা ন হীতি 
দুঃখেঽপি কা নু তৱ দুর্লভতা ৱিধিত্সা ||১৮|| 

ত্ৱদ্ভক্তিরেৱ তদনৱাপ্তিশুগপ্যুদারা 
শ্রীঃ সা চ তাৱক জনাশ্রযণে চ লভ্যা| 
উল্লংঘ্য তাৱকজনান হি তদর্থনাগ-
স্ত্ৱয্যাঃ সহস্ৱ তদিদং ভগৱন্নমস্তে ||১৯|| 

সেৱা ত্ৱদাশ্রযৱতাং প্রণযশ্চ তেষু 
সিধ্যেদ্দৃঢো মম যথাশু তথা দযার্দ্রাম | 
দৃষ্টিং তৱার্পয মযীশ দযাংবুরাশে 
মৈৱং ৱিভো ৱিমুখতা মযি দীনবন্ধো ||২০|| 

গৌরীসখং হিমকরপ্রভমংবুদাভং 
শ্রীজানি ৱা শিৱৱপুস্তৱ তজ্জুষো যে || 
তে ত্ৱাং শ্রিতা ৱহসি মুর্ধ্নি তদংঘ্রিরেণুং 
তত্সেৱনং মম কথং নু দযাং ৱিনা তে ||২১|| 

ত্ৱদ্ভক্তিকল্পলতিকাং কৃপযাঽর্পযেশ 
মচ্চিত্তসীম্নি ভৱদীযকথাসুধাভিঃ | 
তাং ৱর্ধয ত্ৱদনুরাগফলাঢ্যমৌলিং 
তন্মূল এৱ খলু মুক্তিফলং চকাস্তি ||২২|| 

নিঃস্ৱো ধনাগম ইৱ ত্ৱদুপাশ্রিতানাং 
সন্দর্শনে প্রমুদিতস্ত্ৱযি সান্দ্রহার্দঃ| 
আলোকযন জগদশেষমিদং ভৱন্তং 
কার্যস্ত্ৱযেশ কৃপযাঽহমপাস্তখেদঃ ||২৩|| 

যো ভক্তিকল্পলতিকাভিধমিন্দুমৌলে-
রেৱং স্তৱং পঠতি তস্য তদৈৱ দেৱঃ | 
তুষ্টঃ স্ৱভক্তিমখিলেষ্টদুহং দদাতি 
যাং প্রাপ্য নারদমুখৈরুপযাতি সাম্যম ||২৪|| 

ইতি শ্রীমত্পরমহংসপরিৱ্রাজকাচার্য শ্রীমদভিনৱ- 
নৃসিংহভারতীস্ৱামিৱিরচিতং শিৱভক্তিকল্পলতিকাস্তোত্রং সংপূর্ণম ||


Back to Bengali Scriptures and Stotras Page
Back to stotras in many languages
Back to Shaivam Home Page