চন্দ্রশেখর অষ্টক স্তোত্রম

Chandrashekara Ashtaka Stotram


চন্দ্রশেখরাষ্টকস্তোত্রম |

চন্দ্রশেখর চন্দ্রশেখর 
চন্দ্রশেখর পাহি মাম | 
চন্দ্রশেখর চন্দ্রশেখর 
চন্দ্রশেখর রক্ষ মাম ||১|| 

রত্নসানুশরাসনং রজতাদ্রিশৃঙ্গনিকেতনং 
সিঞ্জিনীকৃতপন্নগেশ্ৱরমচ্যুতাননসাযকম | 
ক্ষিপ্রদগ্ধপুরত্রযং ত্রিদিৱালযৈরভিৱন্দিতং 
চন্দ্রশেখরমাশ্রযে মম কিং করিষ্যতি ৱৈ যমঃ ||২|| 

পঞ্চপাদপপুষ্পগন্ধপদাংবুজদ্ৱযশোভিতং 
ভাললোচনজাতপাৱকদগ্ধমন্মথৱিগ্রহম | 
ভস্মদিগ্ধকলেবরং ভৱ নাশনং ভৱমৱ্যযং 
চন্দ্রশেখরমাশ্রযে মম কিং করিষ্যতি ৱৈ যমঃ ||৩|| 

মত্তৱারণমুখ্যচর্মকৄতোত্তরীযমনোহরং  
পঙ্কজাসনপদ্মলোচনপূজিতাংঘ্রিসরোরুহম | 
দেৱসিন্ধুতরঙ্গসীকর সিক্তশুভ্রজটাধরং 
চন্দ্রশেখরমাশ্রযে মম কিং করিষ্যতি ৱৈ যমঃ ||৪|| 

যক্ষরাজসখং ভগাক্ষহরং ভুজঙ্গৱিভূষণং 
শৈলরাজসুতাপরিষ্কৃতচারুৱামকলেবরম | 
ক্ষ্ৱেডনীলগলং পরশ্ৱধধারিণং মৃগধারিণং 
চন্দ্রশেখরমাশ্রযে মম কিং করিষ্যতি ৱৈ যমঃ ||৫|| 

কুণ্ডলীকৃতকুণ্ডলেশ্ৱর কুণ্ডলং ৱৃষৱাহনং 
নারদাদিমুনীশ্ৱরস্তুতৱৈভৱং ভুৱনেশ্ৱরম | 
অন্ধকান্তকমাশ্রিতামরপাদপং শমনান্তকং  
চন্দ্রশেখরমাশ্রযে মম কিং করিষ্যতি ৱৈ যমঃ ||৬|| 

ভেষজং ভৱরোগিণামখিলাপদামপহারিণং 
দক্ষযজ্ঞৱিনাশনং ত্রিগুণাত্মকং ত্রিৱিলোচনম | 
ভুক্তিমুক্তিফলপ্রদং সকলাঘসংঘনিবর্হণং 
চন্দ্রশেখরমাশ্রযে মম কিং করিষ্যতি ৱৈ যমঃ ||৭|| 

ভক্তৱত্সলমর্চিতং নিধিক্ষযং হরিদংবরং 
সর্ৱভূতপতিং পরাত্পরমপ্রমেযমনুত্তমম | 
সোমৱারিদভূহুতাশনসোমপানিলখাকৃতিং 
চন্দ্রশেখরমাশ্রযে মম কিং করিষ্যতি ৱৈ যমঃ ||৮|| 

ৱিশ্ৱসৃষ্টিৱিধাযিনং পুনরেৱ পালনতত্পরং 
সংহরন্তমপি প্রপঞ্চমশেষলোকনিৱাসিনম | 
কীডযন্তমহর্নিশং গণনাথযূথসমন্ৱিতং 
চন্দ্রশেখরমাশ্রযে মম কিং করিষ্যতি ৱৈ যমঃ ||৯|| 

মৃত্যুভীতমৃকণ্ডুসূনুকৃতস্তৱং শিৱসন্নিধৌ 
যত্র কুত্র চ যঃ পঠেন্ন হি তস্য মৃত্যুভযং ভৱেত | 
পূর্ণমাযুররোগতামখিলার্থসংপদমাদরাত 
চন্দ্রশেখর এৱ তস্য দদাতি মুক্তিমযত্নতঃ ||১০|| 

ইতি শ্রীচন্দ্রশেখরাষ্টকস্তোত্রং সংপূর্ণম ||

Back to Bengali Scriptures and Stotras Page
Back to stotras in many languages
Back to Shaivam Home Page