10.3ம் தந்திரம் - 03. நியமம்

திருச்சிற்றம்பலம்

ஆதியை வேதத்தின் அப்பொரு ளானைச்
சோதியை ஆங்கே சுடுகின்ற அங்கியைப்
பாதியுள் மன்னும் பரசத்தி யோடுடன்
நீதி 1யுணர்ந்து நியமத்த னாமே

பா-ம் : 1யுணர்ந்த  1 

தூய்மை 1அருளூண் சுருக்கம் பொறைசெவ்வை
வாய்மை நிலைமை வளர்த்தலே மற்றிவை
காமங் களவு கொலையெனக் காண்பவை
நேமியீ ரைந்து நியமத்த னாமே

பா-ம் : 1அருளுண்  2 

தவஞ்செபஞ் சந்தோடம் ஆத்திகந் தானஞ்
சிவன்றன் விரதமே சித்தாந்தக் கேள்வி
மகஞ்சிவ பூசையொண் மதிசொல்லீர் ஐந்து
நிவம்பல செய்யின் நியமத்த னாமே  3 

  

திருச்சிற்றம்பலம்