Home >
Scripture >
scripture >
Telugu
Copy linkశ్రీకాశీవిశ్వేశ్వరాది స్తోత్రమ్ - Sri Kashivishveshvaraadi Stotram
Singer
Please select an Audio
Play Song
Source language
Telugu
Translation language
Click on the songs to view the meaning
Sri Kashivishveshvaraadi Stotram
నమః శ్రీవిశ్వనాథాయ దేవవన్ద్యపదాయ తే ||
కాశీశేశావతారే మే దేవదేవ హ్యుపాదిశ ||౧||
మాయాధీశం మహాత్మానం సర్వకారణకారణమ్ ||
వన్దే తం మాధవం దేవం యః కాశీం చాధితిష్ఠతి ||౨||
వన్దే తం ధర్మగోప్తారం సర్వగుహ్యార్థవేదినమ్ ||
గణదేవం ఢుణ్ఢిరాజం తం మహాన్తం స్వవిఘ్నహమ్ ||౩||
భారం వోఢుం స్వభక్తానాం యో యోగం ప్రాప్త ఉత్తమమ్ ||
తం సఢుణ్ఢిం దణ్డపాణిం వన్దే గఙ్గాతటస్థితమ్ ||౪||
భైరవం దంష్ట్రాకరాళం భక్తాభయకరం భజే ||
దుష్టదణ్డశూలశీర్షధరం వామాధ్వచారిణమ్ || ౫||
శ్రీకాశీం పాపశమనీం దమనీం దుష్టచేతసః ||
స్వనిఃశ్రేణిం చావిముక్తపురీం మర్త్యహితాం భజే ||౬||
నమామి చతురారాధ్యాం సదాఽణిమ్ని స్థితిం గుహామ్ ||
శ్రీగఙ్గే భైరవీం దూరీకురు కల్యాణి యాతనామ్ ||౭||
భవాని రక్షాన్నపూర్ణే సద్వర్ణితగుణేఽమ్బికే ||
దేవర్షివన్ద్యాంబుమణికర్ణికాం మోక్షదాం భజే ||౮||
ఇతి కాశీవిశ్వేశ్వరాదిస్తోత్రం సంపూర్ణమ్ ||