Srikanta Ashtakam

---

యః పాదపపిహితతనుః ప్రకాశతాం పరశురామెణ | 
నీతః సొఽవ్యాత్సతతం శ్రీకణ్ఠః పాదనమ్రకల్పతరుః ||౧|| 

 

యః కాలం జితగర్వం కృత్వా క్షణతొ మృకణ్డుమునిసూనుమ్ | 
నిర్భయమకరొత్సొఽవ్యచ్ఛ్రీకణ్ఠః పాదనమ్రకల్పతరుః ||౨|| 

 

కుష్ఠాపస్మారముఖా రొగా యత్పాదసెవనాత్సహసా | 
ప్రశమం ప్రయాన్తి సొఽవ్యాచ్ఛ్రీకణ్ఠః పాదనమ్రకల్పతరుః ||౩|| 

 

యదవిద్యైవ జగదిదమఖిలం ప్రతిభాతి సత్యవత్పూర్వమ్ | 
జ్ఞానాత్సొఽవ్యాత్సతతం శ్రీకణ్ఠః పాదనమ్రకల్పతరుః ||౪|| 

 

యతివృన్దవన్ద్యచరణః కమితా ధరణీధరెన్ద్రతనయాయాః | 
శ్రీశాదివన్దితొ‍ఽవ్యాచ్ఛ్రీకణ్ఠః పాదనమ్రకల్పతరుః ||౫|| 

 

యొ దక్షిణాస్యరూపం ధృత్వా విజ్ఞానదానకృతదీక్షః | 
ముగ్ధెభ్యొఽపి స పాయాచ్ఛ్రీకణ్ఠః పాదనమ్రకల్పతరుః ||౬|| 

 

అన్ధొఽపి యత్కరుణయా చక్షుష్మాన్భవతి సత్వరం లొకె | 
కరుణానిధిః స పాయాచ్ఛ్రీకణ్ఠః పాదనమ్రకల్పతరుః ||౭|| 

 

కపిలాతటాదృతగతిః కపిలాదిమునీన్ద్రవన్ద్యపదపద్మః | 
శ్రీదః పాయాత్సతతం శ్రీకణ్ఠః పాదనమ్రకల్పతరుః ||౮|| 

 

శ్రీకణ్ఠాష్టకమెతత్పఠతి జనొ యః కృతాదరః సతతమ్ | 
శ్రీవిద్యాసదనం స ప్రభవెన్నైవాత్ర సన్దెహః ||౯|| 

 

ఇతి శ్రీకణ్ఠాష్టకం సంపూర్ణమ్ ||