Shivalochana  Stutih

---

జయతి లలాటకటాక్షః శశిమౌలేః పక్ష్మలః ప్రియప్రణతౌ | 
ధనుషి స్మరేణ నిహితః సకణ్టకః కేతకేపురివ ||౧|| 

 

సానన్దా గణగాయకే సపులకా గౌరీముఖామ్భోరుహే 
సక్రోధా కుసుమాయుధే సకరుణా పాదానతే వజ్రిణి | 
సస్మేరా గిరిజాసఖీషు సనయా శైలాధినాథే వహన్
భూమీన్ద్ర ప్రదిశన్తు శర్మ విపులం శమ్భోః కటాక్షచ్ఛటాః ||౨|| 

 

ఏకం ధ్యాననిమీలనాన్ముకులితం చక్షుర్ద్వితీయం పునః 
పార్వత్యా వదనామ్బుజస్తనతటే శ్రృఙ్గారభారాలసమ్ | 
అన్యద్దూరవికృష్టచాపమదనక్రోధానలోద్దీపితం 
శంభోర్భిన్నరసం సమాధిసమయే నేత్రత్రయం పాతు వః ||౩|| 

 

పక్ష్మాలీపిఙ్గలిమ్నః కణ ఇవ తడితాం యస్య కృత్స్నః 
సమూహో యస్మిన్ బ్రహ్మాణ్డమీషద్విఘటితముకులే కాలయజ్వా జుహావ | 
అర్చిర్నిష్టప్తచూడాశశిగణితసుధాఘోరఝాఙ్కారకోణం 
తార్తీయం యత్పురారేస్తదవతు మదనప్లోషణం లోచనం వః ||౪|| 

 

ఇతి శివలోచనస్తుతిః సంపూర్ణా ||