Home >
Scripture >
scripture >
Telugu
Copy linkశివాథర్వ శీర్షమ్- Shivaatharvasheersham
Singer
Please select an Audio
Play Song
Source language
Telugu
Translation language
Click on the songs to view the meaning
Shivaatharvasheersham
ఓం దేవా హ వై స్వర్గలోకమాయంస్తే రుద్రమపృచ్ఛన్ కో భవానితి |
సోఽబ్రవీదహమేకః ప్రథమమాసీద్వర్తామి చ
భవిష్యామి చ నాన్యః కశ్చిన్మత్తో వ్యతిరిక్త ఇతి |
సోఽన్తరాదన్తరం ప్రావిశద్దిశశ్చాన్తరం ప్రావిశత్ |
సోఽహం నిత్యానిత్యో వ్యక్తావ్యక్తో బ్రహ్మా బ్రహ్మాహం ప్రాఞ్చః
ప్రత్యఞ్చోఽహం దక్షిణాఞ్చ ఉదఞ్చోఽహమమధశ్చోర్ధ్వశ్చాహం
దిశశ్చ ప్రతిదిశశ్చాహం పుమానపుమాన్ స్త్రియశ్చాహం
సావిత్ర్యహం గాయత్ర్యహం త్రిష్టుబూజగత్యనుష్టుప్ చాఽహం
ఛన్దోఽహం సత్యోఽహం గార్హపత్యో దక్షిణాగ్నిరాహవనీయోఽహం
గౌరహం గౌర్యహమృగహం యజురహం సామాహమథర్వాఙ్గిరసోఽహం
జ్యేష్ఠోఽహం శ్రేష్ఠోఽహం వరిష్ఠోఽహమాస్వరోం నమ ఇతి ||
య ఇదమథర్వశిరో బ్రాహ్మణోఽధీతే |
అశ్రోత్రియః శ్రోత్రియో భవతి |
అనుపనీత ఉపనీతో భవతి |
సోఽగ్నిపూతో భవతి |
స వాయుపూతో భవతి |
స సూర్యపూతో భవతి |
స సోమపూతో భవతి |
స సత్యపూతో భవతి |
స సర్వైర్వేదైర్జ్ఞాతో భవతి |
సర్వైర్వేదైరనుధ్యాతో భవతి |
స సర్వేషు తీర్థేషు స్నాతో భవతి |
తేన సర్వైః ఋతుభిరిష్టం భవతి |
గాయత్ర్యాః షష్ఠిసహస్రాణి జప్తాని భవన్తి |
ప్రణవానామయుతం జప్తం భవతి |
స చక్షుషః పఙ్క్తిం పునాతి |
ఆసప్తమాత్ పురుషయుగాన్పునాతీత్యాహ భగవానథర్వశిరః
సకృజ్జప్త్వైవ శుచిః స పూతః కర్మణ్యో భవతి |
ద్వితీయం జప్త్వా గణాధిపత్యమవాప్నోతి |
తృతీయం జప్త్వైవమేవానుప్రవిశత్యోం సత్యమోం సత్యమోం సత్యం |
ఇత్యథర్వవేదే శివాథార్వశీర్షం సంపూర్ణమ్ ||