Home >
Scripture >
scripture >
Telugu
Copy linkహృదయబోధనస్తోత్రమ్ - Hrudayabodhana Stotram
Singer
Please select an Audio
Play Song
Source language
Telugu
Translation language
Click on the songs to view the meaning
Hrudayabodhana Stotram
హృదయ సదా స్మర పరమవితారం హైమవతీకమితారమ్ ||
విషయభ్రమణం విశ్రమవిధురం వ్యర్థం మాస్మ కృథాస్త్వమ్ ||
ఆధివ్యాధిశతాకులమనిభౄతసుఖలోభాహితవివిధక్లేశమ్ ||
ఆయుశ్చఞ్చలకమలదలాఞ్చలగతజలబిన్దుసదృశక్షేమమ్ ||
అశుచినికాయేఽవశ్యవినాశిని కాయే బాలిశమమతాకాఽయే
నియతాపాయీ న చిరస్థాయీ భోగోఽప్యసుభగపర్యవసాయీ ||౧||
ఆన్తరరిపువశమశివోదర్కం పీతవితర్కం విశసి వృథా
త్వమ్ కిం తవ లబ్ధం తత్ప్రేరణయా సన్తతవిషయభ్రాన్త్యేయత్యా ||
సఙ్కటసఙ్ఘవిదారణనిపుణే శఙ్కరచరణే కిఙ్కరశరణే
సఙ్ఘటయ రతిం సఙ్కలయ ధృతిం సఫలయ నిభృతం జనిలాభం చ ||౨||
సఙ్కల్పైకసముద్భావితజగదుత్పత్త్యాదిభిరాత్తవినోదే
యస్మిన్నేవమహేశ్వరశబ్దః స్వార్థసమన్వయమజహజ్జయతి ||
అఖిలాంహోపహమమితశుభావహమభయదుహన్తం స్మరదేహదహం
కరుణామృతరసవరుణాలయమయి హరిణాఙ్కోజ్జ్వలమౌలిముపాస్వ ||౩||
త్రిజగదతీతమ్ యన్మహిమానం త్రయ్యపి చకితైవాభిదధాతి
ప్రణమదమర్త్యప్రవరశిరోమణిదీధితిదీపితపాదసరోజమ్ ||
భక్తాభ్యర్థితసార్థసమర్థనసామర్థ్యోద్ధృతకల్పకకర్పం
కన్దర్పారిమృతేఽన్యః కోఽపి వదాన్యో జగతి న మాన్యో జయతి ||౪||
ఇతి హృదయబోధనస్తోత్రం సంపూర్ణమ్ ||