Bilvaashtakam

త్రిదళం త్రిగుణాకారం త్రినేత్రం చ త్రయాయుధం । 
త్రిజన్మపాపసంహారమేకబిల్వం శివార్పణం ॥1॥

త్రిశాఖైర్బిల్వపత్రైశ్చ హ్యచ్ఛిద్రైః కోమళైః శుభైః । 
శివపూజాం కరిష్యామి హ్యేకబిల్వం శివార్పణం ॥2॥

అఖండబిల్వపత్రేణ పూజితే నందికేశ్వరే । 
శుధ్యంతి సర్వపాపేభ్యో హ్యేకబిల్వం శివార్పణం ॥3॥

శాలిగ్రామశిలామేకాం విప్రాణాం జాతు అర్పయేత్ । 
సోమయజ్ఞమహాపుణ్యం హ్యేకబిల్వం శివార్పణం ॥4॥

దంతికోటిసహస్రాణి అశ్వమేధశతాని చ । 
కోటికన్యామహాదానం హ్యేకబిల్వం శివార్పణం ॥5॥

లక్ష్మ్యాఃస్తనత ఉత్పన్నం మహాదేవస్య చ ప్రియం । 
బిల్వవృక్షం ప్రయచ్ఛామి హ్యేకబిల్వం శివార్పణం ॥6॥

దర్శనం బిల్వవృక్షస్య స్పర్శనం పాపనాశనం । 
అఘోరపాపసంహారం హ్యేకబిల్వం శివార్పణం ॥7॥

మూలతో బ్రహ్మరూపాయ మధ్యతో విష్ణురూపిణే । 
అగ్రతః శివరూపాయ హ్యేకబిల్వం శివార్పణం ॥8॥

బిల్వాష్టకమిదం పుణ్యం యః పఠేచ్ఛివసన్నిధౌ । 
సర్వపాపవినిర్ముక్తః శివలోకమవాప్నుయాత్ ॥9॥

ఇతి బిల్వాష్టకం సంపూర్ణం ॥