Ardhanaarishvara Stotram

మన్దారమాలాలులితాలకాయై కపాలమాలాఙ్కితశేఖరాయ | 
దివ్యామ్బరాయై చ దిగమ్బరాయ నమః శివాయై చ నమః శివాయ ||౧||

ఏకః స్తనస్తుఙ్గతరః పరస్య వార్తామివ ప్రష్టుమగాన్ముఖాగ్రమ్ | 
యస్యాః ప్రియార్ధస్థితిముద్వహన్త్యాః సా పాతు వః పర్వతరాజపుత్రీ ||౨|| 

యస్యోపవీతగుణ ఏవ ఫణావృతైకవక్షోరుహః కుచపటీయతి వామభాగే | 
తస్మై మమాస్తు తమసామవసానసీమ్నే చన్ద్రార్ధమౌలిశిరసే నమస్యా ||౩|| 

స్వేదార్ద్రవామకుచమణ్డనపత్రభఙ్గసంశోషిదక్షిణకరాఙ్కులిభస్మరేణుః | 
స్త్రీపుంనపుంసకపదవ్యతిలఙ్ఘినీ వః శంభోస్తనుః సుఖయతు ప్రకృతిశ్చతుర్థీ ||౪|| 

ఇత్యర్ధనారీశ్వరస్తోత్రం సంపూర్ణమ్ ||