Home >
Scripture >
scripture >
Telugu
Copy linkశ్రీకాలాన్తకాష్టకమ్ - Shrikalantaka Ashtakam
Singer
Please select an Audio
Play Song
Source language
Telugu
Translation language
Click on the songs to view the meaning
Shrikalantaka Ashtakam
శివాయ నమః ||
శ్రీకాలాన్తక అష్టకమ్
కమలాపతిముఖసురవరపూజిత కాకోలభాసితగ్రీవ |
కాకోదరపతిభూషణ కాలాన్తక పాహి పార్వతీనాథ ||౧||
కమలాభిమానవారణదక్షాఙ్ఘ్రే విమలశేముషీదాయిన్ |
నతకామితఫలదాయక కాలాన్తక పాహి పార్వతీనాథ ||౨||
కరుణాసాగర శంభో శరణాగతలోకరక్షణధురీణ |
కారణ సమస్తజగతాం కాలాన్తక పాహి పార్వతీనాథ ||౩||
ప్రణతార్తిహరణదక్ష ప్రణవప్రతిపాద్య పర్వతావాస |
ప్రణమామి తవ పదాబ్జే కాలాన్తక పాహి పార్వతీనాథ ||౪||
మన్దారనతజనానాం వృన్దారకవృన్దగేయసుచరిత్ర |
మునిపుత్రమృత్యుహారిన్ కాలాన్తక పాహి పార్వతీనాథ ||౫||
మారారణ్యదవానల మాయావారీన్ద్రకుంభసఞ్జాత |
మాతఙ్గచర్మవాసః కాలాన్తక పాహి పార్వతీనాథ ||౬||
మోహాన్ధకారభానో మోదితగిరిజామనఃసరోజాత |
మోక్షప్రద ప్రణమతాం కాలాన్తక పాహి పార్వతీనాథ ||౭||
విద్యానాయక మహ్యం విద్యాం దత్త్వా నివార్య చావిద్యామ్ |
విద్యాధరాదిసేవిత కాలాన్తక పాహి పార్వతీనాథ ||౮||
కాలాన్తకాష్టకమిదం పఠతి జనో యః కృతాదరో లోకే
కాలాన్తకప్రసాదాత్కాలకృతా భీర్న సంభవేత్తస్య ||౯||
ఇతి కాలాన్తకాష్టకం సంపూర్ణమ్ ||