Pradhosha Stotrashtakam

---

శివాయ నమః || 

ప్రదోషస్తోత్రాష్టకమ్ |

సత్యం బ్రవీమి పరలోకహితం బ్రవీమి సారం బ్రవీమ్యుపనిషద్ధృదయం బ్రవీమి | 
సంసారముల్బణమసారమవాప్య జన్తోః సారోఽయమీశ్వరపదాంబురుహస్య సేవా ||౧|| 

యే నార్చయన్తి గిరిశం సమయే ప్రదోషే యే నార్చితం శివమపి ప్రణమన్తి చాన్యే | 
ఏతత్కథాం శ్రుతిపుటైర్న పిబన్తి మూఢాస్తే జన్మజన్మసు భవన్తి నరా దరిద్రాః ||౨|| 

యే వై ప్రదోషసమయే పరమేశ్వరస్య కుర్వన్త్యనన్యమనసోంఽఘ్రిసరోజపూజామ్ | 
నిత్యం ప్రవృద్ధధనధాన్యకళత్రపుత్రసౌభాగ్యసంపదధికాస్త ఇహైవ లోకే ||౩|| 

కైలాసశైలభువనే త్రిజగజ్జనిత్రీం గౌరీం నివేశ్య కనకాచితరత్నపీఠే | 
నృత్యం విధాతుమమివాఞ్చతి శూలపాణౌ దేవాః ప్రదోషసమయే ను భజన్తి సర్వే ||౪|| 

వాగ్దేవీ ధృతవల్లకీ శతముఖో వేణుం దధత్పద్మజస్తాలోన్నిద్రకరో రమా భగవతీ గేయప్రయోగాన్వితా | 
విష్ణుః సాన్ద్రమౄదఙ్గవాదనపటుర్దేవాః సమన్తాత్స్థితాః సేవన్తే తమను ప్రదోషసమయే దేవం మృడానీపతిమ్ ||౫|| 

గన్ధర్వయక్షపతగోరగసిద్ధసాధ్యవిద్యాధరామరవరాప్సరసాం గణాంశ్చ | 
యేఽన్యే త్రిలోకనిలయాః సహభూతవర్గాః ప్రాప్తే ప్రదోషసమయే హరపార్శ్వసంస్థాః ||౬|| 

అతః ప్రదోషే శివ ఏక ఏవ పూజ్యోఽథ నాన్యే హరిపద్మజాద్యాః | 
తస్మిన్మహేశే విధినేజ్యమానే సర్వే ప్రసీదన్తి సురాధినాథాః ||౭|| 

ఏష తే తనయః పూర్వజన్మని బ్రాహ్మణోత్తమః | 
ప్రతిగ్రహైర్వయో నిన్యే న దానాద్యైః సుకర్మభిః ||౮||

అతో దారిద్ర్యమాపన్నః పుత్రస్తే ద్విజభామిని | 
దద్దోషపరిహారార్థం శరణం యాతు శఙ్కరమ్ ||౯|| 

ఇతి శ్రీస్కాన్దోక్తం ప్రదోషస్తోత్రాష్టకం సంపూర్ణమ్ ||