Home >
Scripture >
scripture >
Telugu
Copy linkచన్ద్రశేఖర అష్టక స్తోత్రమ్
Composer : Markandeya
Singer
Subhalakshmi Krishnamurthy
Play Song
Source language
Telugu
Translation language
Click on the songs to view the meaning
Chandrashekara Ashtaka Stotram
చంద్రశేఖరాష్టకం ।
చంద్రశేఖర చంద్రశేఖర
చంద్రశేఖర పాహి మాం ।
చంద్రశేఖర చంద్రశేఖర
చంద్రశేఖర రక్ష మాం ॥1॥
రత్నసానుశరాసనం రజతాద్రిశృంగనికేతనం
సింజినీకృత పన్నగేశ్వరమచ్యుతానన సాయకం ।
క్షిప్రదగ్ధపురత్రయం త్రిదివాలయైరభివందితం
చంద్రశేఖరమాశ్రయే మమ కిం కరిష్యతి వై యమః ॥2॥
పంచపాదప పుష్పగంధ పదాంబుజద్వయ శోభితం
భాలలోచన జాతపావక దగ్ధమన్మథవిగ్రహం ।
భస్మదిగ్ధకలేబరం భవ నాశనం భవమవ్యయం
చంద్రశేఖరమాశ్రయే మమ కిం కరిష్యతి వై యమః ॥3॥
మత్తవారణ ముఖ్యచర్మకౄతోత్తరీయ మనోహరం
పంకజాసన పద్మలోచన పూజితాంఘ్రిసరోరుహం ।
దేవసింధుతరంగసీకర సిక్తశుభ్రజటాధరం
చంద్రశేఖరమాశ్రయే మమ కిం కరిష్యతి వై యమః ॥4॥
యక్షరాజసఖం భగాక్షహరం భుజంగవిభూషణం
శైలరాజసుతాపరిష్కృత చారువామకలేబరం ।
క్ష్వేడనీలగలం పరశ్వధధారిణం మృగధారిణం
చంద్రశేఖరమాశ్రయే మమ కిం కరిష్యతి వై యమః ॥5॥
కుండలీకృత కుండలేశ్వర కుండలం వృషవాహనం
నారదాదిమునీశ్వర స్తుతవైభవం భువనేశ్వరం ।
అంధకాంతకమాశ్రితామరపాదపం శమనాంతకం
చంద్రశేఖరమాశ్రయే మమ కిం కరిష్యతి వై యమః ॥6॥
భేషజం భవరోగిణామఖిలాపదామపహారిణం
దక్షయజ్ఞవినాశనం త్రిగుణాత్మకం త్రివిలోచనం ।
భుక్తిముక్తిఫలప్రదం సకలాఘసంఘనిబర్హణం
చంద్రశేఖరమాశ్రయే మమ కిం కరిష్యతి వై యమః ॥7॥
భక్తవత్సలమర్చితం నిధిమక్షయం హరిదంబరం
సర్వభూతపతిం పరాత్పరమప్రమేయమనుత్తమం ।
సోమవారిదభూహుతాశన సోమపానిలఖాకృతిం
చంద్రశేఖరమాశ్రయే మమ కిం కరిష్యతి వై యమః ॥8॥
విశ్వసృష్టివిధాయినం పునరేవ పాలనతత్పరం
సంహరంతమపి ప్రపంచమశేషలోక నివాసినం ।
క్రీడయంతమహర్నిశం గణనాథయూథసమన్వితం
చంద్రశేఖరమాశ్రయే మమ కిం కరిష్యతి వై యమః ॥9॥
మృత్యుభీత మృకండుసూనుకృతస్తవం శివసన్నిధౌ
యత్ర కుత్ర చ యః పఠేన్న హి తస్య మృత్యుభయం భవేత్ ।
పూర్ణమాయురరోగతామఖిలార్థ సంపదమాదరాత్
చంద్రశేఖర ఏవ తస్య దదాతి ముక్తిమయత్నతః ॥10॥
ఇతి శ్రీచంద్రశేఖరాష్టకస్తోత్రం సంపూర్ణం ॥