Home >
Scripture >
scripture >
Telugu
Copy linkఅర్ధనారీ నటేశ్వర స్తోత్రమ్ - Ardhanari Nateshvara Stotram
Singer
Please select an Audio
Play Song
Source language
Telugu
Translation language
Click on the songs to view the meaning
Ardhanari Nateshvara Stotram
శివాయ నమః ||
అర్ధనారీనటేశ్వరస్తోత్రమ్ |
చాంపేయగౌరార్ధశరీరకాయై కర్పూరగౌరార్ధశరీరకాయ |
ధమ్మిల్లకాయై చ జటాధరాయ నమః శివయై చ నమః శివాయ ||౧||
కస్తూరికాకుఙ్కుమచర్చితాయై చితారజఃపుఞ్జవిచర్చితాయ |
కౄతస్మరాయై వికౄతస్మరాయ నమః శివాయై చ నమః శివాయ ||౨||
చలత్క్వణత్కఙ్కణనూపురాయై పాదాబ్జరాజత్ఫణినూపురాయ |
హేమాఙ్గదాయై భుజగాఙ్గాదాయ నమః శివాయై చ నమః శివాయ ||౩||
విశాలనీలోత్పలలోచనాయై వికాసిపఙ్కేరుహలోచనాయ |
సమేక్షణాయై విషమేక్షణాయ నమః శివాయై చ నమః శివాయ ||౪||
మన్దారమాలాకలితాలకాయై కపాలమాలాఙ్కితకన్ధరాయ |
దివ్యాంబరాయై చ దిగంబరాయ నమః శివాయై చ నమః శివాయ |౫||
అంభోధరశ్యామళకున్తళాయై తడిత్ప్రభాతామ్రజటాధరాయ |
నిరీశ్వరాయై నిఖిలేశ్వరాయ నమః శివాయై చ నమః శివాయ ||౬||
ప్రపఞ్చసృష్ట్యున్ముఖలాస్యకాయై సమస్తసంహారకతాణ్డవాయ |
జగజ్జనన్యై జగదేకపిత్రే నమః శివాయై చ నమః శివాయ ||౭||
ప్రదీప్తరత్నోజ్జ్వలకుణ్డలాయై స్ఫురన్మహాపన్నగభూషణాయ |
శివాన్వితాయై చ శివాన్వితాయ నమః శివాయై చ నమః శివాయ ||౮||
ఏతత్పఠేదష్టకమిష్టదం యో భక్త్యా స మాన్యో భువి దీర్ఘజీవీ |
ప్రాప్నోతి సౌభాగ్యమనన్తకాలం భూయాత్సదా తస్య సమస్తసిద్ధిః ||౯||
ఇతి శ్రీమత్పరమహంసపరివ్రాజకాచార్యశ్రీగోవిన్దభగవత్పూజ్యపాదశిష్య
శ్రీమచ్ఛఙ్కరభగవత్ప్రణీతమర్ధనారీనటేశ్వరస్తోత్రం సంపూర్ణమ్ ||