Home >
Scripture >
scripture >
Telugu
Copy linkఅభయఙ్కరం శివరక్షాస్తోత్రమ్ - Abhayankaram Shivarakshaastotram
Singer
Please select an Audio
Play Song
Source language
Telugu
Translation language
Click on the songs to view the meaning
Abhayankaram Shivarakshaastotram
శివాయ నమః ||
అభయఙ్కరం శివరక్షాస్తోత్రమ్ |
అస్య శ్రీశివరక్షాస్తోత్రమన్త్రస్య యాజ్ఞవల్క్య ఋషిః,
శ్రీసదాశివో దేవతా, అనుష్టుప్ ఛన్దః,
శ్రీసదాశివప్రీత్యర్థం శివరక్షాస్తోత్రజపే వినియోగః ||
చరితం దేవదేవస్య మహాదేవస్య పావనమ్ |
అపారం పరమోదారం చతుర్వర్గస్య సాధనమ్ ||౧||
గౌరీవినాయకోపేతం పఞ్చవక్త్రం త్రినేత్రకమ్ |
శివం ధ్యాత్వా దశభుజం శివరక్షాం పఠేన్నరః ||౨||
గఙ్గాధరః శిరః పాతు భాలమర్ధేన్దుశేఖరః |
నయనే మదనధ్వంసీ కర్ణౌ సర్పవిభూషణః ||౩||
ఘ్రాణం పాతు పురారాతిర్ముఖం పాతు జగత్పతిః |
జిహ్వాం వాగీశ్వరః పాతు కన్ధరాం శితికన్ధరః ||౪||
శ్రీకణ్ఠః పాతు మే కణ్ఠం స్కన్ధౌ విశ్వధురన్ధరః |
భుజౌ భూభారసంహర్తా కరౌ పాతు పినాకధృక్ ||౫||
హృదయం శఙ్కరః పాతు జఠరం గిరిజాపతిః |
నాభిం మృత్యుఞ్జయః పాతు కటీ వ్యాఘ్రాజినామ్బరః ||౬||
సక్థినీ పాతు దీనార్తశరణాగతవత్సలః |
ఊరూ మహేశ్వరః పాతు జానునీ జగదీశ్వరః ||౭||
జఙ్ఘే పాతు జగత్కర్తా గుల్ఫౌ పాతు గణాధిపః |
చరణౌ కరుణాసిన్ధుః సర్వాఙ్గాని సదాశివః ||౮||
ఏతాం శివబలోపేతాం రక్షాం యః సుకృతీ పఠేత్ |
స భుక్త్వా సకలాన్కామాన్ శివసాయుజ్యమాప్నుయాత్ ||౯||
గ్రహభూతపిశాచాద్యాస్త్రైలోక్యే విచరన్తి యే |
దూరాదాశు పలాయన్తే శివ నామాభిరక్షణాత్ ||౧౦||
అభయఙ్కరనామేదం కవచం పార్వతీపతేః |
భక్త్యా బిభర్తి యః కణ్ఠే తస్య వశ్యం జగత్రయమ్ ||౧౧||
ఇమాం నారాయణః స్వప్నే శివరక్షాం యథాదిశత్ |
ప్రాతరుత్థాయ యోగీన్ద్రో యాజ్ఞవల్క్యస్తథాఽలిఖత్ ||౧౨||
ఇతి శ్రీయాజ్ఞవల్క్యప్రోక్తమభయఙ్కరం శివరక్షాస్తోత్రం సంపూర్ణమ్ ||