Chandrachoodaalaa Ashtakam

---

శివాయ నమః || 

చన్ద్రచూడాలా అష్టకమ్

యమనియమాద్యఙ్గయుతైర్యోగైర్యత్పాదపఙ్కజం ద్రష్టుమ్ | 
ప్రయతన్తే మునివర్యాస్తమహం ప్రణమామి చన్ద్రచూడాలమ్ ||౧|| 

యమగర్వభఞ్జనచణం నమతాం సర్వేష్టదానధౌరేయమ్ | 
శమదమసాధనసంపల్లభ్యం ప్రణమామి చన్ద్రచూడాలమ్ ||౨|| 

యం ద్రోణబిల్వముఖ్యైః పూజయతాం ద్వారి మత్తమాతఙ్గాః | 
కణ్ఠే లసన్తి విద్యాస్తమహం ప్రణమామి చన్ద్రచూడాలమ్ ||౩|| 

నలినభవపద్మనేత్రప్రముఖామరసేవ్యమానపదపద్మమ్ | 
నతజనవిద్యాదానప్రవణం ప్రణమామి చన్ద్రచూడాలమ్ ||౪|| 

నుతిభిర్దేవవరాణాం ముఖరీకృతమన్దిరద్వారమ్ | 
స్తుతమాదిమవాక్తతిభిః సతతం ప్రణమామి చన్ద్రచూడాలమ్ ||౫|| 

జన్తోస్తవ పాదపూజనకరణాత్కరపద్మగాః పుమర్థాః స్యుః | 
మురహరపూజితపాదం తమహం ప్రణమామి చన్ద్రచూడాలమ్ ||౬|| 

చేతసి చిన్తయతాం యత్పదపద్మం సత్వరం వక్త్రాత్ | 
నిఃసరతి వాక్సుధామా తమహం ప్రణమామి చన్ద్రచూడాలమ్ ||౭|| 

నమ్రాజ్ఞానతమస్తతిదూరీకరణాయ నేత్రలక్ష్మాద్యః | 
ధత్తేఽగ్నిచన్ద్రసూర్యాంస్తమహం ప్రణమామి చన్ద్రచూడాలమ్ ||౮|| 

అష్టకమేతత్పఠతాం స్పష్టతరం కష్టనాశనం పుంసామ్ | 
అష్ట దదాతి హి సిద్ధీరిష్టసమష్టీశ్చ చన్ద్రచూడాలః ||౯|| 

ఇతి చన్ద్రచూడాలాష్టకం సంపూర్ణమ్ ||