logo

|

Home >

Scripture >

scripture >

Telugu

శివాష్టకం - Shivashtakam

Shivashtakam


శివ అష్టకం

ప్రభుం ప్రాణనాథం విభుం విశ్వనాథం జగన్నాథనాథం సదానందభాజం ।
భవద్భవ్యభూతేశ్వరం భూతనాథం శివం శంకరం శంభుమీశానమీడే ॥1॥

గలే రుండమాలం తనౌ సర్పజాలం మహాకాలకాలం గణేశాధిపాలం ।
జటాజూటగంగోత్తరంగైర్విశాలం శివం శంకరం శంభుమీశానమీడే ॥2॥

ముదామాకరం మండనం మండయంతం మహామండలం భస్మభూషాధరం  తం ।
అనాదిం హ్యపారం మహామోహమారం శివం శంకరం శంభుమీశానమీడే ॥3॥

తటాధోనివాసం మహాట్టాట్టహాసం మహాపాపనాశం సదా సుప్రకాశం ।
గిరీశం గణేశం సురేశం మహేశం శివం శంకరం శంభుమీశానమీడే ॥4।

గిరీంద్రాత్మజాసంగృహీతార్ధదేహం గిరౌ సంస్థితం సర్వదా సన్నిగేహం ।
పరబ్రహ్మ బ్రహ్మాదిభిర్వంద్యమానం శివం శంకరం శంభుమీశానమీడే ॥5॥

కపాలం త్రిశూలం కరాభ్యాం దధానం పదాంభోజనమ్రాయ కామం దదానం ।
బలీవర్దయానం సురాణాం ప్రధానం శివం శంకరం శంభుమీశానమీడే ॥6॥

శరచ్చంద్రగాత్రం గుణానందపాత్రం త్రినేత్రం పవిత్రం ధనెశస్య మిత్రం ।
అపర్ణాకళత్రం చరిత్రం విచిత్రం శివం శంకరం శంభుమీశానమీడే ॥7॥

హరం సర్పహారం చితాభూవిహారం భవం వేదసారం సదా నిర్వికారం ।
శ్మశానే వసంతం మనోజం దహంతం శివం శంకరం శంభుమీశానమీడే ॥8॥

స్తవం యః ప్రభాతే నరః శూలపాణేః పఠేత్సర్వదా భర్గభావానురక్తః ।
స పుత్రం ధనం ధాన్యమిత్రం కళత్రం విచిత్రైః సమారాద్య మోక్షం ప్రయాతి ॥9॥

ఇతి శ్రీశివాష్టకం సంపూర్ణం ॥

Related Content

Telugu PDF

అపమృత్యుహరం మహామృత్యుఞ్జయ స్తోత్రమ్ - Apamrutyuharam Mahamru

అభయఙ్కరం శివరక్షాస్తోత్రమ్ - Abhayankaram Shivarakshaastotra

అమోఘ శివకవచ - Amogha Shivakavacha

అసితకృతం శివస్తోత్రమ్ - Asitakrutam Shivastotram