logo

|

Home >

Scripture >

scripture >

Telugu

పరమాత్మాష్టకమ్ - Paramatma Ashtakam

Paramatma Ashtakam


శివాయ నమః || 

పరమాత్మా అష్టకమ్

పరమాత్మంస్తవ ప్రాప్తౌ కుశలోఽస్మి న సంశయః | 
తథాపి మే మనో దుష్టం భోగేషు రమతే సదా ||౧|| 

యదా యదా తు వైరాగ్యం భోగేభ్యశ్చ కరోమ్యహమ్ | 
తదైవ మే మనో మూఢం పునర్భోగేషు గచ్ఛతి ||౨|| 

భోగాన్భుక్త్వా ముదం యాతి మనో మే చఞ్చలం ప్రభో | 
తవ స్మృతి యదా యాతి తదా యాతి బహిర్ముఖమ్ ||౩|| 

ప్రత్యహం శాస్త్రనిచయం చిన్తయామి సమాహితః | 
తథాపి మే మనో మూఢం త్యక్త్వా త్వాం భోగమిచ్ఛతి ||౪|| 

శోకమోహౌ మానమదౌ తవాజ్ఞానాద్భవన్తి వై | 
యదా బుద్ధిపథం యాసి యాన్తి తే విలయం తదా ||౫|| 

కృపాం కురు తథా నాథ త్వయి చిత్తం స్థిరం యథా | 
మమ స్యాజ్జ్ఞానసంయుక్తం తవ ధ్యానపరాయణమ్ ||౬|| 

మాయయా తే విమూఢోఽస్మి న పశ్యామి హితాహితమ్ | 
సంసారాపారపాథోధౌ పతితం మాం సముద్ధర ||౭|| 

పరమాత్మంస్త్వయి సదా మమ స్యాన్నిశ్చలా మతిః | 
సంసారదుఃఖగహనాత్త్వం సదా రక్షకో మమ||౮|| 

పరాత్మన ఇదం స్తోత్రం మోహవిచ్ఛేదకారకమ్ | 
జ్ఞానదం చ భవేన్నృణాం యోగానన్దేన నిర్మితమ్ ||౯|| 

ఇతి శ్రీయోగానన్దతీర్థవిరచితం పరమాత్మాష్టకం సంపూర్ణమ్ ||

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram