logo

|

Home >

Scripture >

scripture >

Telugu

శంభుస్తవః - Shambhustavah

Shambhustavah


శివాయ నమః || 

శంభుస్తవః |  

కైలాసశైలనిలయాత్కలికల్మషఘ్నా-
చ్చన్ద్రార్ధభూషితజటాద్వటమూలవాసాత్ | 
నమ్రోత్తమాఙ్గవినివేశితహస్తపద్మా-
చ్ఛంభోః పరం కిమపి దైవమహం న జానే ||౧||  

నాకాధినాథకరపల్లవసేవితాఙ్ఘ్రే- 
ర్నాగాస్యషణ్ముఖవిభాసితపార్శ్వభాగాత్ | 
నిర్వ్యాజపూర్ణకరుణాన్నిఖిలామరేడ్యా-
చ్ఛంభోః పరం కిమపి దైవమహం న జానే ||౨||  

మౌనీన్ద్రరక్షణకృతే జితకాలగర్వాత్-
పాపాబ్ధిశోషణవిధౌ జితవాడవాగ్నేః| 
మారాఙ్గభస్మపరిలేపనశుక్లగాత్రా-
చ్ఛంభోః పరం కిమపి దైవమహం న జానే ||౩|| 

విజ్ఞానముద్రితకరాచ్ఛరదిన్దుశుభ్రా-
ద్విజ్ఞానదాననిరతాజ్జడపఙ్క్తయేఽపి | 
వేదాన్తగేయచరణాద్విధివిష్ణుసేవ్యా-
చ్ఛంభోః పరం కిమపి దైవమహం న జానే ||౪|| 

ఇతి శంభుస్తవః సంపూర్ణః ||

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram