logo

|

Home >

Scripture >

scripture >

Telugu

గౌరీగిరీశస్తోత్రమ్ - Gaurigirisha Stotram

Gaurigirisha Stotram


శివాయ నమః || 

గౌరీగిరీశ స్తోత్రమ్

చన్ద్రార్ధప్రవిభాసిమస్తకతటౌ తన్ద్రావిహీనౌ సదా
భక్తౌఘప్రతిపాలనే నిజతనుచ్ఛాయాజితార్కాయుతౌ | 
శృఙ్గాద్రిస్థవివాహమణ్డపగతౌ కారుణ్యవారాన్నిధీ 
కల్యాణం తనుతాం సమస్తజగతాం గౌరీగిరీశౌ ముదా ||౧|| 

అన్యోన్యార్చనతత్పరౌ మధురవాక్సన్తోషితాన్యోన్యకౌ 
చన్ద్రార్ధాంచితశేఖరా ప్రణమతామిష్టర్థదౌ సత్వరమ్ | 
శృఙ్గాద్రిస్థవివాహమణ్డపగతౌ శృఙ్గారజన్మావనీ 
కల్యాణం తనుతాం సమస్తజగతాం గౌరీగిరీశౌ ముదా ||౨|| 

సౌన్దర్యేణ పరస్పరం ప్రముదితావన్యోన్యచిత్తస్థితౌ 
రాకాచన్ద్రసమానవక్త్రకమలౌ పాదాబ్జకాలఙ్కృతౌ |
శృఙ్గాద్రిస్థవివాహమణ్డపగతౌ గఙ్గాతటావాసినౌ 
కల్యాణం తనుతాం సమస్తజగతాం గౌరీగిరీశౌ ముదా ||౩||

సింహోక్షాగ్ర్యగతీ మహోన్నతపదం సంప్రాపయన్తౌ నతా-
నంహోరాశినివారణైకనిపుణౌ బ్రహ్మోగ్రవిష్ణ్వర్చితౌ |
శృఙ్గాద్రిస్థవివాహమణ్డపగతౌ గాఙ్గేయభూషోజ్జ్వలౌ 
కల్యాణం తనుతాం సమస్తజగతాం గౌరీగిరీశౌ ముదా ||౪|| 

కస్తూరీఘానసారచర్చితతనూ ప్రస్తూయమానౌ సురై-
రస్తూక్త్యా ప్రణతేష్టపూరణకరౌ వస్తూపలబ్ధిప్రదౌ | 
శృఙ్గాద్రిస్థవివాహమణ్డపగతావఙ్గావధూతేన్దుభౌ 
కల్యాణం తనుతాం సమస్తజగతాం గౌరీగిరీశౌ ముదా ||౫|| 

వాణీనిర్జితహంసకోకిలరవౌ పాణీకృతాంభోరుహౌ 
వేణీకేశవినిర్జితాహిచపలౌ క్షోణీసమానక్షమౌ | 
శృఙ్గాద్రిస్థవివాహమణ్డపగతౌ తుఙ్గేష్టజాలప్రదో 
కల్యాణం తనుతాం సమస్తజగతాం గౌరీగిరిశౌ ముదా||౬||

కామాపత్తివిభూతికారణదశౌ సోమార్ధభూషోజ్జ్వలౌ 
సామామ్నాయసుగీయమానచరితౌ రామార్చితాఙ్ఘ్రిద్వయౌ |
శృఙ్గాద్రిస్థవివాహమణ్డపగతౌ మాణిక్యభూషాన్వితౌ 
కల్యాణం తనుతాం సమస్తజగతాం గౌరీగిరీశౌ ముదా ||౭||

దంభాహఙ్కౄతిదోషశూన్యపురుషైః సంభావనీయౌ సదా
జంభారాతిముఖామరేన్ద్రవినుతౌ కుంభాత్మజాద్యర్చితౌ |
శృఙ్గాద్రిస్థవివాహమణ్డపగతౌ వాగ్దానదీక్షాధరౌ 
కల్యాణం తనుతాం సమస్తజగతాం గౌరీగిరీశౌ ముదా||౮||

శాపానుగ్రహశక్తిదాననిపుణౌ తాపాపనోదక్షమౌ 
సోపానక్రమతోఽధికారేభిరనుప్రాప్యౌ క్షమాసాగరౌ | 
శృఙ్గాద్రిస్థవివాహమణ్డపగతౌ లావణ్యపాథోనిధీ 
కల్యాణం తనుతాం సమస్తజగతాం గౌరీగిరీశౌ ముదా ||౯|| 

శోణాంభోరుహతుల్యపాదయుగళౌ బాణార్చనాతోషితౌ 
వీణాధృఙ్మునిగీయమానవిభవౌ బాలారుణాభాంబరౌ | 
శృఙ్గాద్రిస్థవివాహమణ్డపగతౌ తుల్యాధికైర్వర్జితౌ 
కల్యాణం తనుతాం సమస్తజగతాం గౌరీగిరీశౌ ముదా ||౧౦|| 

ఇతి గౌరీగిరీశస్తోత్రం సంపూర్ణమ్ ||

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram