logo

|

Home >

Scripture >

scripture >

Telugu

భేదభఙ్గాభిధానస్తోత్రమ్ - Bhedabhanggaabhidhaana Stotram

 

Bhedabhanggaabhidhaana Stotram


చతుర్వాహనాభ్యమ్బుజాద్భూతవన్తం భవన్తం భవచ్ఛేదకర్తారముగ్రమ్ | 
ముఖానాం చతుష్కం దధానం ప్రధానం శివం సృష్టికర్తారమీశానమీడే ||౧|| 

ఉమాఙ్కశ్రితం స్వం కరం చోత్క్షిపన్తం గిరీశోత్తమాఙ్గస్థచన్ద్రం దిధీర్షుమ్ | 
ముహుర్గర్జితం సస్మితం సర్వపూజ్యం శివం విఘ్నహర్తారమీశానమీడే ||౨|| 

 

సుమేరోః సమన్తాత్సదైవాశు యన్తం సహస్రోస్రభాసా నభో భాసయన్తమ్ | 
జగద్భద్రహేతోర్ధృతానేకరూపం శివం వ్యాధిహర్తారమీశానమీడే ||౩|| 

 

రమాజానకీరుక్మిణీజామ్బవత్యాద్యనేకస్వశక్తిస్ఫురద్వామభాగమ్ | 
హృషీకేశరామాఘశిత్ర్వాదిసంజ్ఞం శివం సర్వదాతారమీశానమీడే || ౪|| 

 

ధనాధ్యక్షరూపేణ ఋక్థాన్యవన్తం కుబేరాలకేశాదినామౌఘవన్తమ్ | 
పులస్త్యాన్వయోత్పత్తిభాజం విరాజం శివం ద్రవ్యదాతారమీశానమీడే ||౫|| 

 

ప్రశస్తారువిద్యానిధానం సుధానం స్వభూస్వాపపర్యఙ్కతాం సన్దధానమ్ | 
అనన్తావతారచ్ఛలేనాధిశీష శివం భూమిధర్తారమీశానమీడే ||౬|| 

 

అనేకక్రియారూపనామప్రకాశైర్నిజం దేవతాపఞ్చకం దర్శయన్తమ్ | 
తథైవావతారాన్ దశాన్యాంశ్చ లోకే నటం వాఖిలం దైవతం జ్యోతిరీడే ||౭|| 

 

శ్రుతేర్నేహ నానేతి శబ్దప్రమాణైర్మునిమ్యస్తదర్థావయవైః పురాణైః | 
నిజామేకతాం ద్యోతయన్తాం సుధీమ్యః సదాసచ్చిదాత్మానమీశానమీడే ||౮|| 

 

అజస్రేశ్వరారాధనే దత్తచేతా మహాత్మాచ్యుతాద్యాశ్రమాన్తః పరివ్రాట్ | 
అకార్షీదిదం భేదభఙ్గాభిధానం ముదే స్తోత్రమన్తర్భిదాభఙ్గభాజామ్ ||౯|| 

 

ఇతి శ్రీమత్పరమహంసపరివ్రాజకాచార్యశ్రీమదచ్యుతాశ్రమవిరచితం భేదభఙ్గాభిధానస్తోత్రం సమాప్తమ్ ||

Related Content

Bhedabhanggaabhidhaana Stotram

भेदभङ्गाभिधानस्तोत्रम - Bhedabhanggaabhidhaana Stotram

भेदभङ्गाभिधानस्तोत्रम् - Bhedabhanggaabhidhaana Stotram

ভেদভঙ্গাভিধানস্তোত্রম - Bhedabhanggaabhidhaana Stotram

ਭੇਦਭਙ੍ਗਾਭਿਧਾਨਸ੍ਤੋਤ੍ਰਮ - Bhedabhanggaabhidhaana Stotram