logo

|

Home >

Scripture >

scripture >

Telugu

శఙ్కరాష్టకమ్ - Shankaraashtakam

Shankaraashtakam


శీర్షజటాగణభారం గరళాహారం సమస్తసంహారమ్ || 
కైలాసాద్రివిహారం పారం భవవారిధేరహం వన్దే ||౧|| 

 

చన్ద్రకలోజ్జ్వలభాలం కణ్ఠవ్యాలం జగత్త్రయీపాలమ్ || 
కృతనరమస్తకమలం కాలం కాలస్య కోమలం వన్దే ||౨|| 

 

కోపేక్షణహతకామం స్వాత్మారామం నగేన్ద్రజావామమ్ || 
సంసృతిశోకవిరామం శ్యామం కణ్ఠేన కారణం వన్దే ||౩|| 

 

కటితటవిలసితనాగం ఖణ్డితయాగం మహాద్భుతత్యాగమ్ || 
విగతవిషయరసరాగం భాగం యజ్ఞేషు బిభ్రతం వన్దే ||౪|| 

 

త్రిపురాదికదనుజాన్తం సదైవ సంశాన్తమ్ || 
లీలావిజితకృతాన్తం భాన్తం స్వాన్తేషు దేహినాం వన్దే ||౫|| 

 

సురసరిదాప్లుతకేశం త్రిదశకులేశం హృదాలయావేశమ్ || 
విగతాశేషక్లేశం దేశం సర్వేష్టసమ్పదాం వన్దే ||౬|| 

 

కరతలకలితపినాకం విగతజరాకంసుకర్మణాం పాకమ్ || 
పరపదవీతవరాకం నాకఙ్గమపూగవన్దితం వన్దే ||౭|| 

 

భూతివిభూషితకాయం దుస్తరమాయం వివర్జితాపాయమ్ || 
ప్రథమసమూహసహాయం సాయం ప్రాతర్నిరన్తరం వన్దే ||౮|| 

 

యస్తు పదాష్టకమేతద్బ్రహ్మానన్దేన నిర్మితం నిత్యమ్ || 
పఠతి సమాహితచేతాః ప్రాప్నోత్యన్తే స శైవమేవ పదమ్ ||౯|| 

 

ఇతి బ్రహ్మానన్దవిరచితం శ్రీశఙ్కరాష్టకం సంపూర్ణమ్ ||

Related Content

shangkaraaShTakam

Shankaraashtakam

शङ्कराष्टकम - Shankara Ashtakam

शङ्कराष्टकम - Shankaraashtakam

शङ्कराष्टकम् - Shankara Ashtakam