logo

|

Home >

Scripture >

scripture >

Telugu

కల్కికృతం శివస్తోత్రమ్ - Kalkikrutam Shiva Stotram

 

Kalkikrutam Shiva Stotram


గౌరీనాథం విశ్వనాథం శరణ్యం భూతావాసం వాసుకీకణ్ఠభూషమ్ || 
త్ర్యక్షం పఞ్చాస్యాదిదేవం పురాణం వన్దే సాన్ద్రానన్దసన్దోహదక్షమ్ ||౧|| 

 

యోగాధీశం కామనాశం కరాళం గఙ్గాసఙ్గక్లిన్నమూర్ధానమీశమ్ || 
జటాజూటాటోపరిక్షిప్తభావం మహాకాళం చన్ద్రభాలం నమామి ||౨|| 

 

శ్మశానస్థం భూతవేతాళసఙ్గం నానాశస్త్రైః ఖడ్గశూలాదిభిశ్చ || 
వ్యగ్రాత్యుగ్రా బాహవో లోకనాశే యస్య క్రోధోద్భూతలోకోఽస్తమేతి ||౩||

 

యో భూతాదిః పఞ్చ భూతైః సిసృక్షుస్తన్మాత్రాత్మా కాలకర్మస్వభావైః || 
ప్రహృత్యేదం ప్రాప్య జీవత్వమీశో బ్రహ్మానన్దే క్రీడతే తం నమామి ||౪|| 

 

స్థితౌ విష్ణుః సర్వజిష్ణుః సురాత్మా లోకాన్సాధూన్ ధర్మసేతూన్బిభర్తి || 
బ్రహ్మాద్యంశే యోఽభిమానీ గుణాత్మా శబ్దాద్యఙ్గైస్తం పరేశం నమామి ||౫|| 

 

యస్యాజ్ఞయా వాయవో వాన్తి లోకే జ్వలత్యగ్నిః సవితా యాతి తప్యన్ || 
శీతాంశుః ఖే తారకాసఙ్గ్రహశ్చ ప్రవర్తన్తే తం పరేశం ప్రపద్యే ||౬|| 

 

యస్య శ్వాసాత్సర్వధాత్రీ ధరిత్రీ దేవో వర్షత్యమ్బుకాలః ప్రమాతా || 
మేరుర్మధ్యే భువనానాం చ భర్తా తమీశానం విశ్వరూపం నమామి ||౭|| 

 

ఇతి శ్రీకల్కిపురాణే కల్కికృతం శివస్తోత్రం సమ్పూర్ణమ్ ||

Related Content

Kalkikrutam Shiva Stotram

Raavanakrutam shivataandava stotram

Shiva Tandava Stotram

कल्किकृतं शिवस्तोत्रम  - Kalkikrutam Shiva Stotram

कल्किकृतं शिवस्तोत्रम्  - Kalkikrutam Shiva Stotram