logo

|

Home >

Scripture >

scripture >

Telugu

విశ్వమూర్తి స్తోత్రమ్ - Vishvamoorti Stotram

Vishvamoorti Stotram

అకారణాయాఖిలకారణాయ నమో మహాకారణకారణాయ | 
నమోఽస్తు కాలానలలోచనాయ కృతాగసం మామవ విశ్వమూర్తే ||౧|| 

 

నమోఽస్త్వహీనాభరణాయ నిత్యం నమః పశూనాం పతయే మృడాయ | 
వేదాన్తవేద్యాయ నమో నమస్తే కృతాగసం మామవ విశ్వమూర్తే ||౨||

 

నమోఽస్తు భక్తేహితదానదాత్రే సర్వౌషధీనాం పతయే నమోఽస్తు |
బ్రహ్మణ్యదేవాయ నమో నమస్తే కృతాగసం మామవ విశ్వమూర్తే||౩|| 

కాలాయ కాలానలసన్నిభాయ హిరణ్యగర్భాయ నమో నమస్తే | 
హాలాహలాదాయ సదా నమస్తే కృతాగసం మామవ విశ్వమూర్తే ||౪|| 

 

విరిఞ్చినారాయణశక్రముఖ్యైరజ్ఞాతవీర్యాయ నమో నమస్తే | 
సూక్ష్మాతిసూక్ష్మాయ నమోఽఘహన్త్రే కృతాగసం మామవ విశ్వమూర్తే ||౫|| 

 

అనేకకోటీన్దునిభాయ తేఽస్తు నమో గిరీణాం పతయేఽఘహన్త్రే | 
నమోఽస్తు తే భక్తవిపద్ధరాయ కృతాగసం మామవ విశ్వమూర్తే || ౬|| 

 

సర్వాన్తరస్థాయ విశుద్ధధామ్నే నమోఽస్తు తే దుష్టకులాన్తకాయ | 
సమస్తతేజోనిధయే నమస్తే కృతాగసం మామవ విశ్వమూర్తే ||౭|| 

 

యజ్ఞాయ యజ్ఞాదిఫలప్రదాత్రే యజ్ఞస్వరూపాయ నమో నమస్తే | 
నమో మహానన్దమయాయ నిత్యం కృతాగసం మామవ విశ్వమూర్తే ||౮|| 

 

ఇతి స్తుతో మహాదేవో దక్షం ప్రాహ కృతాఞ్జలిమ్ | 
యత్తేఽభిలషితం దక్ష తత్తే దాస్యామ్యహం ధ్రువమ్ ||౯|| 

 

అన్యచ్చ శ్రృణు భో దక్ష యచ్చ కిఞ్చిద్బ్రవీమ్యహమ్ | 
యత్కృతం హి మమ స్తోత్రం త్వయా భక్త్యా ప్రజాపతే ||౧౦|| 

 

యే శ్రద్ధయా పఠిష్యన్తి మానవాః ప్రత్యహం శుభమ్ |
నిష్కల్మషా భవిష్యన్తి సాపరాధా అపి ధ్రువమ్ ||౧౧|| 

 

ఇతి దక్షకృతం విశ్వమూర్తిస్తోత్రం సంపూర్ణమ్ ||

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram