ஹாலாஸ்ய ஸ்துதி

கல்யாணாசல -கோத³ண்ட³-காந்ததோ³-ர்த³ண்ட³மண்டி³தம்। 
கலம்பீ³க்ருʼதகம்ʼஸாரிம்ʼ கலயே(அ)ட்டாலஸுந்த³ரம்॥ 1 ॥

காலகூடப்ரபா⁴-ஜால-கலங்கீக்ருʼத-கந்த⁴ரம்। 
கலாத⁴ர-கலாமௌலிம்ʼ கலயே(அ)ட்டாலஸுந்த³ரம்॥ 2 ॥

காலகாலம்ʼ கலாதீதம்ʼ கலாவந்தஞ்ச நிஷ்கலம்। 
கமலாபதிஸம்ʼஸ்துத்யம்ʼ கலயே(அ)ட்டாலஸுந்த³ரம்॥ 3 ॥

காந்தார்த⁴கமனீயாங்க³ம்ʼ கருணாம்ருʼதஸாக³ரம்। 
கலி-கல்மஷ-தோ³ஷக்⁴னம்ʼ கலயே(அ)ட்டாலஸுந்த³ரம்॥ 4 ॥

கத³ம்ப³கானனாதீ⁴ஶம்ʼ காங்க்ஷிதார்த²-ஸுரத்³ருமம்। 
காமஶாஸனமீஶானம்ʼ கலயே(அ)ட்டாலஸுந்த³ரம்॥ 5 ॥

ஸ்ருʼஷ்டானி மாயயா தேன ப்³ரஹ்மாண்டா³னி ப³ஹூனி ச। 
ரக்ஷிதானி ஹ்ருʼதான்யந்தே கலயே(அ)ட்டாலஸுந்த³ரம்॥ 6 ॥

ஸ்வப⁴க்தஜன-ஸந்தாப-பாபாபத்³ப⁴ங்க³-தத்பரம்। 
காரணம்ʼ ஸர்வஜக³தாம்ʼ கலயே(அ)ட்டாலஸுந்த³ரம்॥ 7 ॥

குலஶேக²ரவம்ʼஶோத்த²-பூ⁴பானாம்ʼ குலதை³வதம்। 
பரிபூர்ணசிதா³னந்த³ம்ʼ கலயே(அ)ட்டாலஸுந்த³ரம்॥ 8 ॥

அட்டாலவீரக-ஶ்ரீஶம்போ⁴ரஷ்டகம்ʼ பரமிஷ்டத³ம்। 
பட²தாம்ʼ ஶ்ருʼண்வதாம்ʼ ஸத்³ய꞉ தனோதி பரமாம்ʼ ஶ்ரியம்॥ 9 ॥