ஹாலாஸ்ய ஸ்துதி

பரிபூர்ண-பரானந்த³-ஸத்யஜ்ஞாநாத்³வயாத்மகம்। 
ப⁴ஜாமி ஸுந்த³ரேஶானம்ʼ மஹத³த்³பு⁴ததாண்ட³வம்॥ 1 ॥

ஶ்ரீமத்பஞ்சாக்ஷரமயம்ʼ பஞ்சக்ருʼத்யைககாரணம்। 
ப⁴ஜாமி ஸுந்த³ரேஶானம்ʼ மஹத³த்³பு⁴ததாண்ட³வம்॥ 2 ॥

விஶ்வாதி⁴கம்ʼ விஶ்வரூபம்ʼ விஶ்வாத்மானம்ʼ பராத்பரம்। 
ப⁴ஜாமி ஸுந்த³ரேஶானம்ʼ மஹத³த்³பு⁴ததாண்ட³வம்॥ 3 ॥

யோகா³ப்⁴யாஸ-ரதைஸ்ஸத்³பி⁴꞉ ஸதா³ த்⁴யேயம்ʼ ஸுஸித்³தி⁴த³ம்। 
ப⁴ஜாமி ஸுந்த³ரேஶானம்ʼ மஹத³த்³பு⁴ததாண்ட³வம்॥ 4 ॥

ப⁴க்தாபத்³ப⁴ஞ்ஜனபரம்ʼ ப⁴க்திக³ம்யம்ʼ ப⁴வாபஹம்। 
ப⁴ஜாமி ஸுந்த³ரேஶானம்ʼ மஹத³த்³பு⁴ததாண்ட³வம்॥ 5 ॥

போ⁴க³மோக்ஷப்ரத³ம்ʼ பும்ʼஸாம்ʼ ஆக³மாந்தைரபி⁴ஷ்டுதம்। 
ப⁴ஜாமி ஸுந்த³ரேஶானம்ʼ மஹத³த்³பு⁴ததாண்ட³வம்॥ 6 ॥

த்³வாத³ஶாந்தக³தம்ʼ ஸூக்ஷ்மம்ʼ ஸோம-ஸூர்யாக்³னி-கோடிப⁴ம்। 
ப⁴ஜாமி ஸுந்த³ரேஶானம்ʼ மஹத³த்³பு⁴ததாண்ட³வம்॥ 7 ॥

ஷட்த்ரிம்ʼஶத்தத்வ-ஸோபான-மஹாப்ராஸாத³-மத்⁴யக³ம்। 
ப⁴ஜாமி ஸுந்த³ரேஶானம்ʼ மஹத³த்³பு⁴ததாண்ட³வம்॥ 8 ॥

காலாதீதம்ʼ காலகாலம்ʼ கலாத⁴ரகலாத⁴ரம்। 
ப⁴ஜாமி ஸுந்த³ரேஶானம்ʼ மஹத³த்³பு⁴ததாண்ட³வம்॥ 9 ॥

ஸூக்ஷ்மபஞ்சாக்ஷரீபூ⁴த-ப்ரணவாகா³ர-மத்⁴யக³ம்। 
ப⁴ஜாமி ஸுந்த³ரேஶானம்ʼ மஹத³த்³பு⁴ததாண்ட³வம்॥ 10 ॥

நிவ்ருʼத்த்யாதி³கலாதீதம்ʼ நித்யம்ʼ ஸகலநிஷ்கலம்। 
ப⁴ஜாமி ஸுந்த³ரேஶானம்ʼ மஹத³த்³பு⁴ததாண்ட³வம்॥ 11 ॥

ஸர்வஸம்பத்கரஸ்ஸத்³ய꞉ ஸர்வாபத்³ப⁴ஞ்ஜனக்ஷமம்। 
ப⁴ஜாமி ஸுந்த³ரேஶானம்ʼ மஹத³த்³பு⁴ததாண்ட³வம்॥ 12 ॥

வீதாக⁴ஸங்கை⁴-ர்விபு³தை⁴-ர்விஶிஷ்டை
ர்வித்³யாவிஶேஷார்சித-பாத³பத்³ம। 
ஹாலாஸ்யநாதா²ய நமோ(அ)ஸ்து துப்⁴யம்ʼ 
ஶ்ரீஸுந்த³ரேஶாத்³பு⁴த-தாண்ட³வேஶ॥ 13 ॥