logo

|

Home >

Scripture >

scripture >

Tamil

விஶ்வநாத அஷ்டகம் - Vishvanatha Ashtakam

Vishvanatha Ashtakam

 

விஶ்வநாதா²ஷ்டகம்

க³ங்கா³தரங்க³ரமணீயஜடாகலாபம்ʼ கௌ³ரீநிரந்தர விபூ⁴ஷிதவாமபா⁴க³ம் ।
நாராயணப்ரியமனங்க³மதா³பஹாரம்ʼ வாராணஸீபுரபதிம்ʼ ப⁴ஜ விஶ்வநாத²ம் ॥1॥

வாசாமகோ³சரமனேககு³ணஸ்வரூபம்ʼ வாகீ³ஶவிஷ்ணு ஸுரஸேவிதபாத³பீட²ம் ।
வாமேன விக்³ரஹவரேண களத்ரவந்தம்ʼ வாராணஸீபுரபதிம்ʼ ப⁴ஜ விஶ்வநாத²ம் ॥2॥

பூ⁴தாதி⁴பம்ʼ பு⁴ஜக³பூ⁴ஷணபூ⁴ஷிதாங்க³ம்ʼ வ்யாக்⁴ராஜினாம்ப³ரத⁴ரம்ʼ ஜடிலம்ʼ த்ரிநேத்ரம் ।
பாஶாங்குஶாப⁴யவரப்ரத³ஶூலபாணிம்ʼ வாராணஸீபுரபதிம்ʼ ப⁴ஜ விஶ்வநாத²ம் ॥3॥

ஶீதாம்ʼஶுஶோபி⁴த கிரீடவிராஜமானம்ʼ பா⁴லேக்ஷணானலவிஶோஷிதபஞ்சபா³ணம் ।
நாகா³தி⁴பாரசித பா⁴ஸுரகர்ணபூரம்ʼ வாராணஸீபுரபதிம்ʼ ப⁴ஜ விஶ்வநாத²ம் ॥4॥

பஞ்சானனம்ʼ து³ரிதமத்தமதங்க³ஜானாம்ʼ நாகா³ந்தகம்ʼ த³னுஜபுங்க³வபன்னகா³னாம் ।
தா³வானலம்ʼ மரணஶோகஜராடவீனாம்ʼ வாராணஸீபுரபதிம்ʼ ப⁴ஜ விஶ்வநாத²ம் ॥5॥

தேஜோமயம்ʼ ஸகு³ணநிர்கு³ணமத்³விதீயம்ʼ ஆனந்த³கந்த³ம்ʼ அபராஜிதம்ʼ அப்ரமேயம் ।
நாகா³த்மகம்ʼ ஸகலநிஷ்கலமாத்மரூபம்ʼ வாராணஸீபுரபதிம்ʼ ப⁴ஜ விஶ்வநாத²ம் ॥6॥

ஆஶாம்ʼ விஹாய பரிஹ்ருʼத்ய பரஸ்ய நிந்தா³ம்ʼ பாபே மதிம்ʼ ச ஸுநிவார்ய மன꞉ ஸமாதௌ⁴।
ஆதா³ய ஹ்ருʼத்கமலமத்⁴யக³தம்ʼ பரேஶம்ʼ வாராணஸீபுரபதிம்ʼ ப⁴ஜ விஶ்வநாத²ம் ॥7॥

ராகா³தி³தோ³ஷரஹிதம்ʼ ஸ்வஜனானுராக³வைராக்³யஶாந்திநிலயம்ʼ கி³ரிஜாஸஹாயம் ।
மாது⁴ர்யதை⁴ர்யஸுப⁴க³ம்ʼ க³ரளாபி⁴ராமம்ʼ வாராணஸீபுரபதிம்ʼ ப⁴ஜ விஶ்வநாத²ம் ॥8॥

வாராணஸீபுரபதே꞉ ஸ்தவனம்ʼ ஶிவஸ்ய வ்யாக்²யாதமஷ்டகமித³ம்ʼ பட²தே மனுஷ்ய꞉ ।
வித்³யாம்ʼ ஶ்ரியம்ʼ விபுலஸௌக்²யமனந்தகீர்திம்ʼ ஸம்ப்ராப்ய தே³ஹவிலயே லப⁴தே ச மோக்ஷம் ॥9॥

விஶ்வநாதா²ஷ்டகமித³ம்ʼ ய꞉ படே²ச்சி²வஸந்நிதௌ⁴ ।
ஶிவலோகமவாப்னோதி ஶிவேன ஸஹ மோத³தே ॥10॥

இதி ஶ்ரீவ்யாஸக்ருʼதம்ʼ விஶ்வநாதா²ஷ்டகம்ʼ ஸம்பூர்ணம் ॥

Related Content

Kalki kritam shivastotra-கல்கி க்ருதம் ஷிவஸ்தோத்ரம்

Mahimnastotra

Pradoshastotram-ப்ரதோஷ ஸ்தோத்ரம்

அநாதி கல்பேஸ்வர ஸ்தோத்ரம்-Anaadi Kalpeshvara Stotram

அபம்ருத்யுஹரம் மஹாம்ருத்யுஞ்ஜய ஸ்தோத்ரம்-Apamrutyuharam Maha