தர்மார்த்தகாமமோக்ஷாக்யசதுர்வர்கப்ரதாயிநௌ |
வந்தே ஹரிஹரௌ தேவௌ த்ரைலோக்யபரிபாயிநௌ ||௧||
ஏகமூர்த்தீ த்விதா பிந்நௌ ஸம்ஸாரார்ணவதாரகௌ |
வந்தே(அ)ஹம் காமதௌ தேவௌ ஸததம் சிவகேசவௌ ||௨||
தயாமயௌ தீனதரித்ரதாபஹௌ மஹௌஜஸௌ மான்யதமௌ ஸதா ஸமௌ |
உதாரலீலாலலிதௌ ஸிதாஸிதௌ நமாமி நித்யம் சிவகேசவாவஹம் ||௩||
அனந்தமாஹாத்ம்யநிதீ விதிஸ்துதௌ ச்ரியா யுதௌ லோகவிதாநகாரிணௌ |
ஸுராஸுராதீசநுதௌ நுதௌ ஜகத்பதீ விதத்தாம் சிவகேசவௌ சிவம் ||௪||
ஜகத்ரயீபாலனநாசகாரகௌ ப்ரஸன்னஹாஸௌ விலஸத்ஸதானநௌ |
மஹாபலௌ மஞ்ஜுளமூர்த்திதாரிணௌ சிவம் விதத்தாம் சிவகேசவௌ ஸதா ||௫||
மஹஸ்விநௌ மோதகரௌ பரௌ வரௌ முனீச்வரை: ஸேவிதபாதபங்கஜௌ |
அஜௌ ஸுஜாதௌ ஜகதீச்வரௌ ஸதா சிவம் விதத்தாம் சிவகேசவௌ மம ||௬||
நமோ(அ)ஸ்து நித்யம் சிவகேசவாப்யாம் ஸ்வபக்தஸம்ரக்ஷணதத்பராப்யாம் |
தேவேச்வராப்யாம் கருணாகராப்யாம் லோகத்ரயீநிர்மிதிகாரணாப்யாம் ||௭||
ஸலீலசீலௌ மஹநீயமூர்த்தீ தயாகரௌ மஞ்ஜுளஸச்சரித்ரௌ |
மஹோதயௌ விச்வவிநோதஹேதூ நமாமி தேவௌ சிவகேசவௌ தௌ ||௮||
த்ரிசூலபாணிம் வரசக்ரபாணிம் பீதாம்பரம் ஸ்பஷ்டதிகம்பரம் ச |
சதுர்புஜம் வா தசபாஹுயுக்தம் ஹரிம் ஹரம் வா ப்ரணமாமி நித்யம் ||௯||
கபாலமாலாலலிதம் சிவம் ச ஸத்வைஜயந்தீஸ்ரகுதாரசோபம் |
விஷ்ணும் ச நித்யம் ப்ரணிபத்ய யாசே பவத்பதாம்போருஹயோ: ஸ்ம்ருதி: ஸ்தாத் ||௧0||
சிவ த்வமேவா(அ)ஸி ஹரிஸ்வரூபோ ஹரே த்வமேவா(அ)ஸி சிவஸ்வரூப: |
ப்ராந்த்யா ஜனாஸ்த்வாம் த்விவிதஸ்வரூபம் பச்யந்தி மூடா நநு நாசஹேதோ: ||௧௧||
ஹரே ஜனா யே சிவரூபிணம் த்வாம் த்வத்ரூபமீசம் கலயந்தி நித்யம் |
தே பாக்யவந்த: புருஷா: கதா(அ)பி ந யாந்தி பாஸ்வத்தநயஸ்ய கேஹம் ||௧௨||
சம்போ ஜனா யே ஹரிரூபிணம் த்வாம் பவத்ஸ்வரூபம் கமலாலயேசம் |
பச்யந்தி பக்த்யா கலு தே மஹாந்தௌ யமஸ்ய நோ யாந்தி புரம் கதாசித் ||௧௩||
சிவே ஹரௌ பேததியா(அ)(அ)தியுக்தா முக்திம் லபந்தே ந ஜனா துராபாம் |
புக்திம் ச நைவேஹ பரந்து து:கம் ஸம்ஸாரகூபே பதிதா: ப்ரயாந்தி ||
ஹரே ஹரௌ பேதத்ருஸோ ப்ருசம் வை ஸம்ஸாரஸிந்தௌ பதிதா: ஸதாபா: |
பாபாசயா மோஹமயாந்தகாரே ப்ராந்தா மஹாது:கபரம் லபந்தே ||௧௫||
ஸந்தோ லஸந்த: ஸுதராம் ஹரௌ ச ஹரே ச நித்யம் பஹுபக்திமந்த: |
அந்தர்மஹாந்தௌ சிவகேசவௌ தௌ த்யாயந்த உச்சைர்முதமாப்நுவந்தி ||௧௬||
ஹரௌ ஹரே சைக்யமுதாரசீலா: பச்யந்தி சச்வத்ஸுகதாயிலீலா: |
தே புக்திமுக்தீ ஸமவாப்ய நூநம் ஸுகம் துராபம் ஸுதராம் லபந்தே ||௧௭||
சிவே சிவேசே(அ)பி ச கேசவே ச பத்மாபதௌ தேவவரே மஹாந்த: |
பேதம் ந பச்யந்தி பரந்து ஸந்தஸ்தயோரபேதம் கலயந்தி ஸத்யம் ||௧௮||
ரமாபதிம் வா கிரிஜாபதிம் வா விச்வேச்வரம் வா ஜகதீச்வரம் வா |
பிநாகபாணிம் கலு சார்ங்கபாணிம் ஹரி ஹரம் வா ப்ரணமாமி நித்யம் ||௧௯||
ஸுரேச்வரம் வா பரமேச்வரம் வா வைகுண்டலோகஸ்திதமச்யுதம் வா |
கைலாஸசைலஸ்திதமீச்வரம் வா விஷ்ணும் ச சம்பும் ச நமாமி நித்யம் ||௨0||
ஹரிர்தயார்த்ராசயதாம் ப்ரயாதோ ஹரோ தயாளூத்தமபாவமாப்த: |
அநேகதிவ்யாஸ்த்ரதர: பரேச: பாயாதஜஸ்ரம் க்ருபயா நதம் மாம் || ௨௧||
சேஷோ(அ)ஸ்தி யஸ்யா(அ)(அ)பரணத்வமாப்தோ யத்தா ஸுசய்யாத்வமித: ஸதைவ |
தேவ: ஸ கோ(அ)பீஹ ஹரிர்ஹரோ வா கரோது மே மஞ்ஜுளமங்களம் த்ராக் ||௨௨||
ஹரிம் ஹரம் சாபி பஜந்தி பக்த்யா விபேதபுத்திம் ப்ரவிஹாய நூநம் |
ஸித்தா மஹாந்தோ முநயோ மஹேச்சா: ஸ்வச்சாசயா நாரதபர்வதாத்யா: ||௨௩||
ஸநத்குமாராதய உந்நதேச்சா மோஹேன ஹீனா முநயோ மஹாந்த: |
ஸ்வாந்த: ஸ்திதம் சங்கரமச்யுதம் ச பேதம் பரித்யஜ்ய ஸதா பஜந்தே ||௨௪||
சிஷ்டா வஸிஷ்டாதய ஆத்மநிஷ்டா: ச்ரேஷ்டா: ஸ்வதர்மாவநகர்மசித்தா: |
ஹ்ருத்தாபஹாரம் மலஹீனசித்தா ஹரி ஹரம் சைகதயா பஜந்தே ||௨௫||
அந்யே மஹாத்மான உதாரசீலா ப்ருக்வாதயோ யே பரமர்ஷயஸ்தே |
பச்யந்தி சைக்யம் ஹரிசர்வயோ: ஸ்ரீஸம்யுக்தயோரத்ர ந ஸம்சயோ(அ)ஸ்தி ||௨௬||
இந்த்ராதயோ தேவவரா உதாரா த்ரைலோக்யஸம்ரக்ஷணதத்தசித்தா: |
ஹரிம் ஹரம் சைகஸ்வரூபமேவ பச்யந்தி பக்த்யா ச பஜந்தி நூநம் ||௨௭||
ஸர்வேஷு வேதேஷு கலு ப்ரஸித்தவைகுண்டகைலாஸகயோ: ஸுதாம்நோ: |
முகுந்தபாலேந்துவதம்ஸயோ: ஸச்சரித்ரயோரீச்வரயோரபேத: ||௨௮||
ஸர்வாணி சஸ்த்ராணி வதந்தி நூநம் ஹரேர்ஹரஸ்யைக்யமுதாரமூர்த்தே: |
நாஸ்த்யத்ர ஸந்தேஹலவோ(அ)பி ஸத்யம் நித்யம் ஜனா தர்மதனா கதந்தி ||௨௯||
ஸர்வை: புராணைரிதமேவ ஸூக்தம் யத்விஷ்ணுசம்ப்வோர்மஹநீயமூர்த்யோ: |
ஐக்யம் ஸதைவா(அ)ஸ்தி ந பேதலேசோ(அ)ப்யஸ்தீஹ சிந்த்யம் ஸுஜநைஸ்ததேவம் |௩0||
பேதம் ப்ரபச்யந்தி நராதமா யே விஷ்ணௌ ச சம்பௌ ச தயாநிதானே |
தே யாந்தி பாபா: பரிதாபயுக்தா கோரம் விசாலம் நிரயஸ்ய வாஸம் ||௩௧||
பூதாதிபம் வா விபுதாதிபம் வா ரமேச்வரம் வா பரமேச்வரம் வா |
பீதாம்பரம் வா ஹரிதம்பரம் வா ஹரிம் ஹரம் வா புருஷா பஜத்வம் ||௩௨||
மஹஸ்விவர்யம் கமநீயதேஹமுதாரஸாரம் ஸுகதாயிசேஷ்டம் |
ஸர்வேஷ்டதேவம் துரிதாபஹாரம் விஷ்ணும் சிவம் வா ஸததம் பஜத்வம் ||௩௩||
சிவஸ்ய விஷ்ணோச்ச விபாத்யபேதோ வ்யாஸாதயோ(அ)பீஹ மஹர்ஷயஸ்தே |
ஸர்வஜ்ஞபாவம் தததோ நிதாந்தம் வதந்தி வதந்தி சைவம் கலயந்தி ஸந்த: ||௩௪||
மஹாசயா தர்மவிதானதக்ஷா ரக்ஷாபரா நிர்ஜிதமானஸா யே |
தே(அ)பீஹ விஜ்ஞா: ஸமதர்சினோ வை சிவஸ்ய விஷ்ணோ: கலயந்த்யபேதம்||௩௫||
ஹரிரேவ ஹரோ ஹர ஏவ ஹரிர்நஹி பேதலபோ(அ)பி தயோ: ப்ரதித: |
இதி ஸித்தமுனீசயதீசவரா நிகதந்தி ஸதா விமதா: ஸுஜனா: ||௩௬||
ஹர ஏவ ஹரிர்ஹரிரேவ ஹரோ ஹரிணா ச ஹரேண ச விச்வமிதம் |
ப்ரவிநிர்மிதமேததவேஹி ஸதா விமதோ பவ தௌ பஜ பாவயுத: ||௩௭||
ஹரிரேவ பபூவ ஹர: பரமோ ஹர ஏவ பபூவ ஹரி: பரம: |
ஹரிதா ஹரதா ச ததா மிலிதா ரசயத்யகிலம் கலு விச்வமிதம் ||௩௮||
வ்ருஷத்வஜம் வா கருடத்வஜம் வா கிரீச்வரம் வா புவனேச்வரம் வா |
பதிம் பசூநாமதவா யதூனாம் க்ருஷ்ணம் சிவம் வா விபுதா பஜந்தே ||௩௯||
பீமாக்ருதிம் வா ருசிராக்ருதிம் வா த்ரிலோசனம் வா ஸமலோசனம் வா |
உமாபதிம் வா(அ)த ரமாபதிம் வா ஹரிம் ஹரம் வா முனயோ பஜந்தே ||௪0||
ஹரி: ஸ்வயம் வை ஹரதாம் ப்ரயாதோ ஹரஸ்து ஸாக்ஷாத்தரிபாவமாப்த: |
ஹரிர்ஹரச்சாபி ஜகஜ்ஜனானாமுபாஸ்யதேவௌ ஸ்த இதி ப்ரஸித்தி: ||௪௧||
ஹரிர்ஹி ஸாக்ஷாத் ஹர ஏவ ஸித்தோ ஹரோ ஹி ஸாக்ஷாத்தரிரேவ சாஸ்தே |
ஹரிர்ஹரச்ச ஸ்வயமேவ சைகோ த்விரூபதாம் கார்யவசாத் ப்ரயாத: ||௪௨||
ஹரிர்ஜகத்பாலனக்ருத்ப்ரஸித்தோ ஹரோ ஜகந்நாசகர: பராத்மா |
ஸ்வரூபமாத்ரேண பிதாமவாப்தௌ த்வாவேகரூபௌ ஸ்த இமௌ ஸுரேசௌ ||௪௩||
தயாநிதானம் விலஸத்விதானம் தேவப்ரதானம் நநு ஸாவதானம் |
ஸாநந்தஸந்மானஸபாஸமானம் தேவம் சிவம் வா பஜ கேசவம் வா ||௪௪||
ஸ்ரீகௌஸ்துபாபரணமிந்துகலாவதம்ஸம் காளீவிலாஸினமதோ கமலாவிலாஸம் |
தேவம் முராரிமத வா த்ரிபுராரிமீசம் பேதம் விஹாய பஜ போ பஜ பூரிபக்த்யா ||௪௫||
விஷ்ணு: ஸாக்ஷாச்சம்புரேவ ப்ரஸித்த: சம்பு: ஸாக்ஷாத்விஷ்ணுரேவாஸ்தி நூநம் |
நாஸ்தி ஸ்வல்போ(அ)பீஹ பேதாவகாச: ஸித்தாந்தோ(அ)யம் ஸஜ்ஜனானாம் ஸமுக்த: ||௪௬||
சம்புர்விஷ்ணுச்சைகரூபோ த்விமூர்தி: ஸத்யம் ஸத்யம் கத்யதே நிச்சிதம் ஸத் |
அஸ்மின்மித்யா ஸம்சயம் குர்வதே யே பாபாசாராஸ்தே நரா ராக்ஷஸாக்யா: ||௪௭||
விஷ்ணௌ சம்பௌ நாஸ்தி பேதாவபாஸ: ஸங்க்யாவந்த: ஸந்த ஏவம் வதந்தி |
அந்த: கிஞ்சித்ஸம்விசிந்த்ய ஸ்வயம் த்ராக் பேதம் த்யக்த்வா தௌ பஜஸ்வ ப்ரகாமம் ||௪௮||
விஷ்ணோர்பக்தா: சம்புவித்வேஷஸக்தா: சம்போர்பக்தா விஷ்ணுவித்வேஷிணோ யே |
காமக்ரோதாந்தா: ஸுமந்தா: ஸநிந்தா விந்தந்தி த்ராக் தே நரா து:கஜாலம் ||௪௯||
விஷ்ணௌ சம்பௌ பேதபுத்திம் விஹாய பக்த்யா யுக்தா: ஸஜ்ஜனா யே பஜந்தே |
தேஷாம் பாக்யம் வக்துமீசோ குருர்நோ ஸத்யம் ஸத்யம் வச்ம்யஹம் வித்தி தத்வம் ||௫0||
ஹரேர்விரோதீ ச ஹரஸ்ய பக்தோ ஹரஸ்ய வைரீ ச ஹரேச்ச பக்த: |
ஸாக்ஷாதஸௌ ராக்ஷஸ ஏவ நூநம் நாஸ்த்யத்ர ஸந்தேஹலவோ(அ)பி ஸத்யம் ||௫௧||
சிவம் ச விஷ்ணும் ச விபிந்நதேஹம் பசயந்தி யே மூடதியோ(அ)திநீசா: |
தே கிம் ஸுஸத்பி: ஸுதராம் மஹத்பி: ஸம்பாஷணீயா: புருஷா பவந்தி ||௫௨||
அநேகரூபம் விதிதைகரூபம் மஹாந்தமுச்சைரதிசாந்தசித்தம் |
தாந்தம் நிதாந்தம் சுபதம் ஸுகாந்தம் விஷ்ணும் சிவம் வா பஜ பூரிபக்த்யா ||௫௩||
ஹரே முராரே ஹர ஹே புராரே விஷ்ணோ தயாளோ சிவ ஹே க்ருபாலோ |
தீனம் ஜனம் ஸர்வகுணைர்விஹீனம் மாம் பக்தமார்த்தம் பரிபாஹி நித்யம் ||௫௪||
ஹே ஹே விஷ்ணோ சம்புரூபஸ்த்வமேவ ஹே ஹே சம்போ விஷ்ணுரூபஸ்த்வமேவ |
ஸத்யம் ஸர்வே ஸந்த ஏவம் வதந்த: ஸம்ஸாரப்திம் ஹ்யஞ்ஜஸா ஸந்தரந்தி ||௫௫||
விஷ்ணு: சம்பு: சம்புரேவாஸ்தி விஷ்ணு: சம்புர்விஷ்ணுர்விஷ்ணுரேவாஸ்தி சம்பு: |
சம்பௌ விஷ்ணௌ சைகரூபத்வமிஷ்டம் சிஷ்டா ஏவம் ஸர்வதா ஸஞ்ஜபந்தி ||௫௬||
தைவீ ஸம்பத்வித்யதே யஸ்ய பும்ஸ: ஸ்ரீமாந் ஸோ(அ)யம் ஸர்வதா பக்தியுக்த: |
சம்பும் விஷ்ணும் சைகரூபம் த்விதேஹம் பேதம் த்யக்த்வா ஸம்பஜந்மோக்ஷமேதி ||௫௭||
யேஷாம் பும்ஸாமாஸுரீ ஸம்பதாஸ்தே ம்ருத்யோர்க்ராஸா: காமலோபாபிபூதா: |
க்ரோதேநாந்தா பந்தயுக்தா ஜனாஸ்தே சம்பும் விஷ்ணும் பேதபுத்த்யா பஜந்தே ||௫௮||
கல்யாணகாரம் ஸுகதப்ரகாரம் விநிர்விகாரம் விஹிதோபகாரம் |
ஸ்வாகாரமீசம் ந க்ருதாபகாரம் சிவம் பஜத்வம் கில கேசவம் ச ||௫௯||
ஸச்சித்ஸ்வரூபம் கருணாஸுகூபம் கீர்வணபூபம் வரதர்மயூபம் |
ஸம்ஸாரஸாரம் ஸுருசிப்ரஸாரம் தேவம் ஹரிம் வா பஜ போ ஹரம் வா ||௬0||
ஆனந்தஸிந்தும் பரதீனபந்தும் மோஹாந்தகாரஸ்ய நிகாரஹேதும் |
ஸத்தர்மஸேதும் ரிபுதூமகேதும் பஜஸ்வ விஷ்ணும் சிவமேகபுத்த்யா ||௬௧||
வேதாந்தஸித்தாந்தமயம் தபாளும் ஸத்ஸாங்க்யசாஸ்த்ரப்ரதிபாத்யமாநம் |
ந்யாயப்ரஸித்தம் ஸுதராம் ஸமித்தம் பஜஸ்வ விஷ்ணும் சிவமேகபுத்த்யா ||௬௨||
பாபாபஹாரம் ருசிரப்ரசாரம் க்ருதோபகாரம் விலஸத்விஹாரம் |
ஸத்தர்மதாரம் கமநீயதாரம் ஸாரம் ஹரிம் வா பஜ போ ஹரம் வா ||௬௩||
ஹரௌ பேதமவேக்ஷமாண: ப்ராணீ நிதாந்தம் கலு தாந்தசேதா: |
ப்ரேதாதிபஸ்யைதி புரம் துரந்தம் து:கம் ச தத்ர ப்ரதிதம் ப்ரயாதி ||௬௪||
போ போ ஜனா ஜ்ஞானதனா மனாகப்யர்ச்யே ஹரௌ சாபி ஹரே ச நூநம் |
பேதம் பரித்யஜ்ய மனோ நிருத்ய ஸுகம் பவந்த: கலு தௌ பஜந்து ||௬௫||
ஆனந்தஸந்மந்திரமிந்துகாந்தம் சாந்தம் நிதாந்தம் புவனாநி பாந்தம் |
பாந்தம் ஸுதாந்தம் விஹிதாஸுராந்தம் தேவம் சிவம் வா பஜ கேசவம் வா ||௬௬||
ஹே ஹே ஹரே க்ருஷ்ண ஜநார்தநேச சம்போ சசாங்காபரணாதிதேவ |
நாராயண ஸ்ரீச ஜகத்ஸ்வரூப மாம் பாஹி நித்யம் சரணம் ப்ரபன்னம் ||௬௭||
விஷ்ணோ தசலோ(அ)ச்யுத சார்ங்கபாணே பூதேச சம்போ சிவ சர்வ நாத |
முகுந்த கோவிந்த ரமாதிபேச மாம் பாஹி நித்யம் சரணம் ப்ரபன்னம் ||௬௮||
கல்யாணகாரின் கமலாபதே ஹே கௌரீபதே பீம பவேச சர்வ |
கிரீச கௌரீப்ரிய சூலபாணே மாம் பாஹி நித்யம் சரணம் ப்ரபன்னம் ||௬௯||
ஹே சர்வ ஹே சங்கர ஹே புராரே ஹே ஹே கேசவ ஹே க்ரூஷ்ண ஹே முராரே |
ஹே தீனபந்தோ கருணைகஸிந்தோ மாம் பாஹி நித்யம் சரணம் ப்ரபன்னம் ||௭0||
ஹே சந்த்ரமௌலே ஹரிரூப சம்போ ஹே சக்ரபாணே சிவரூப விஷ்ணோ |
ஹே காமசத்ரோ கலு காமதாத மாம் பாஹி நித்யம் பகவந்நமஸ்தே ||௭௧||
ஸகலலோகபசோகவிநாசிநௌ பரமரம்யதயா ப்ரவிகாசிநௌ |
அகஸமூஹவிதாரணகாரிணௌ ஹரிஹரௌ பஜ மூட பிதாம் த்யஜ ||௭௨||
ஹரி: ஸாக்ஷாத்தர: ப்ரோக்தோ ஹர: ஸாக்ஷாத்தரி: ஸ்ம்ரூத: |
உபயோரந்தரம் நாஸ்தி ஸத்யம் ஸத்யம் ந ஸம்சய: ||௭௩||
யோ ஹரௌ ச ஹரே ஸாக்ஷாதேகமூர்த்தௌ த்விதா ஸ்திதே |
பேதம் கரோதி மூடாத்மா ஸ யாதி நரகம் த்ருவம் ||௭௪||
யஸ்ய புத்திர்ஹரௌ சாபி ஹரே பேதம் ச பச்யதி |
ஸ நராதமதாம் யாதோ ரோகீ பவதி மாநவ: ||௭௫||
யோ ஹரௌ ச ஹரே சாபி பேதபுத்திம் கரோத்யஹோ |
தஸ்மான்மூடதமோ லோகே நான்ய: கச்சன வித்யதே ||௭௬||
முக்திமிச்சஸி தேத்தர்ஹி பேதம் த்யஜ ஹரௌ ஹரே |
அன்யதா ஜன்மலக்ஷேஷு முக்தி: கலு ஸுதுர்லபா ||௭௭||
விஷ்ணோ: சிவஸ்ய சாபேதஜ்ஞாநாந்முக்தி: ப்ரஜாபதே |
இதி ஸத்வேதவாக்யாநாம் ஸித்தாந்த: ப்ரதிபாதித: ||௭௮||
விஷ்ணு: சிவ: சிவோ விஷ்ணுரிதி ஜ்ஞானம் ப்ரசிஷ்யதே |
ஏதஜ்ஜ்ஞானயுதோ ஜ்ஞானீ நாந்யதா ஜ்ஞானமிஷ்யதே ||௭௯||
ஹரிர்ஹரோ ஹரச்சபி ஹரிரஸ்தீதி பாவயன் |
தர்மார்த்தகாமமோக்ஷாணாமதிகாரீ பவேந்நர: ||௮0||
ஹரிம் ஹரம் பின்னரூபம் பாவயத்யதமோ நர: |
ஸ வர்ணஸங்கரோ நூநம் விஜ்ஞேயோ பாவிதாத்மபி: ||௮௧||
ஹரே சம்போ ஹரே விஷ்ணோ சம்போ ஹர ஹரே ஹர |
இதி நித்யம் ரலன் ஜந்துர்ஜீவன்முக்தோ ஹி ஜாயதே ||௮௨||
ந ஹரிம் ச ஹரம் சாபி பேதபுத்த்யா விலோகயேத் |
யதீச்சேதாத்மன: க்ஷேம புத்திமான்குசலோ நர: ||௮௩||
ஹரே ஹர தயாளோ மாம் பாஹி பாஹி க்ருபாம் குரு |
இதி ஸஞ்ஜபநாதேவ முக்தி: ப்ராணௌ ப்ரதிஷ்டிதா ||௮௪||
ஹரிம் ஹரம் த்விதா பின்னம் வஸ்துதஸ்த்வேகரூபகம் |
ப்ரணமாமி ஸதா பக்த்யா ரக்ஷதாம் தௌ மஹேச்வரௌ ||௮௫||
இதம் ஹரிஹரஸ்தோத்ரம் ஸூக்தம் பரமதுர்லபம் |
தர்மார்த்தகாமமோக்ஷாணாம் தாயகம் திவ்யமுத்தமம் ||௮௬||
சிவகேசவயோரைக்யப்ரதிபாதகமீடிதம் |
படேயு: க்ருதின: சாந்தா தாந்தா மோக்ஷாபிலாஷிண: ||௮௭||
ஏதஸ்ய படநாத்ஸர்வா: ஸித்தயோ வசகாஸ்ததா |
தேவயோர்விஷ்ணுசிவயோர்பக்திர்பவதி பூதிதா ||௮௮||
தர்மார்த்தீ லபதே தர்மமர்த்தார்த்தீ சார்த்தமச்நுதே |
காமார்த்தீ லபதே காமம் மோக்ஷார்த்தீ மோக்ஷமச்நுதே ||௮௯||
துர்கமே கோரஸங்க்ராமே கானனே வதபந்தனே |
காராகாரே(அ)ஸ்ய படனாஜ்ஜாயதே தத்க்ஷணம் ஸுகீ ||௯0||
வேதே யதா ஸாமவேதோ வேதாந்தோ தர்சனே யதா |
ஸ்ம்ருதௌ மநுஸ்ம்ருதிர்யத்வத் வர்ணேஷு ப்ராஹ்மணோ யதா ||௯௧||
யதா(அ)(அ)ச்ரமேஷு ஸந்ந்யாஸோ யதா தேவேஷு வாஸவ: |
யதா(அ)ச்வத்த: பாதபேஷு யதா கங்கா நதீஷு ச ||௯௨||
புராணேஷு யதா ச்ரேஷ்டம் மஹாபாரதமுச்யதே |
யதா ஸர்வேஷு லோகேஷு வைகுண்ட: பரமோத்தம: ||௯௩||
யதா தீர்த்தேஷு ஸர்வேஷு ப்ரயாக: ச்ரேஷ்ட ஈரித: |
யதா புரீஷு ஸர்வாஸு வரா வாராணஸீ மதா ||௯௪||
யதா தானேஷு ஸர்வேஷு சான்னதானம் மஹத்தமம் |
யதா ஸர்வேஷு தர்மேஷு சாஹிம்ஸா பரமா ஸ்ம்ருதா ||௯௫||
யதா ஸர்வேஷு ஸௌக்யேஷு போஜனம் ப்ராஹுருத்தமம் |
ததா ஸ்தோத்ரேஷு ஸர்வேஷு ஸ்தோத்ரமேதத்பராத்பரம் ||௯௬||
அன்யானி யானி ஸ்தோத்ராணி தானி ஸர்வாணி நிச்சிதம் |
அஸ்ய ஸ்தோத்ரஸ்ய நோ யாந்தி ஷோடசீமபி ஸத்கலாம் ||௯௭||
பூதப்ரேதபிசாசாத்யா பாலவ்ருத்தக்ரஹாச்ச யே |
தே ஸர்வே நாசமாயாந்தி ஸ்தோத்ரஸ்யாஸ்ய ப்ரபாவத: ||௯௮||
யத்ராஸ்ய பாடோ பவதி ஸ்தோத்ரஸ்ய மஹதோ த்ருவம் |
தத்ர ஸாக்ஷாத்ஸதா லக்ஷ்மீர்வஸத்யேவ ந ஸம்சய: ||௯௯||
அஸ்ய ஸ்தோத்ரஸ்ய பாடேன விச்வேசௌ சிவகேசவௌ |
ஸர்வான்மனோரதான்பும்ஸாம் பூரயேதாம் ந ஸம்சய: ||௧00||
புண்யம் புண்யம் மஹத்புண்யம் ஸ்தோத்ரமேதத்தி துர்லபம் |
போ போ முமுக்ஷவ: ஸர்வே யூயம் படத ஸர்வதா ||௧0௧||
இத்யச்யுதாச்ரமஸ்வாமிவிரசிதம் ஸ்ரீஹரிஹராத்வைதஸ்தோத்ரம் ஸம்பூர்ணம் ||