logo

|

Home >

Scripture >

scripture >

Tamil

ஸாம்ப தசகம் - Samba Dashakam

Samba Dashakam


ஸாம்போ ந: குலதைவதம் பசுபதே ஸாம்ப த்வதீயா வயம் 
ஸாம்பம் ஸ்தௌமி ஸுராஸுரோரககணா: ஸாம்பேன ஸந்தாரிதா: | 
ஸாம்பாயாஸ்து நமோ மயா விரசிதம் ஸாம்பாத் பரம் நோ பஜே 
ஸாம்பஸ்யானுசரோ(அ)ஸ்ம்யஹம் மம ரதி: ஸாம்பே பரப்ரஹ்மணி ||௧|| 

 

விஷ்ண்வாத்யாச்ச புரஞ்ஜயம் ஸுரகணா ஜேதும் ந சக்தா ஸ்வயம் 
யம் சம்பும் பகவன் வயம் து பசவோ(அ)ஸ்மாகம் த்வமேவேச்வர: | 
ஸ்வஸ்வஸ்தானநியோஜிதா: ஸுமனஸ: ஸ்வஸ்தா பபூவுஸ்தத-
ஸ்தஸ்மின்மே ஹ்ருதயம் ஸுகேன ரமதாம் ஸாம்பே பரப்ரஹ்மணி ||௨|| 

 

க்ஷோணீ யஸ்ய ரதோ ரதாங்கயுகளம் சந்த்ரார்க்கபிம்பத்வயம் 
கோதண்ட: கனகாசலோ ஹரிரபூத்பாணோ விதி: ஸாரதி: | 
தூணீரோஜலதிர்ஹயா: ச்ருதிசயோ மௌர்வீ புஜங்காதிப-
ஸ்தஸ்மின்மே ஹ்ருதயம் ஸுகேன ரமதாம் ஸாம்பே பரப்ரஹ்மணி ||௩|| 

 

யேனாபாதிதமங்கஜாங்கபஸிதம் திவ்யாங்கராகை: ஸமம் 
யேன ஸ்வீக்ருதமப்ஜஸம்பவசிர: ஸௌவர்ணபாத்ரை: ஸமம் | 
யேனாங்கீக்ருதமச்யுதஸ்ய நயனம் பூஜாரவிந்தை: ஸமம் 
தஸ்மின்மே ஹ்ருதயம் ஸுகேன ரமதாம் ஸாம்பே பரப்ரஹ்மணி ||௪|| 

 

கோவிந்தாததிகம் ந தைவதமிதி ப்ரோச்சார்ய ஹஸ்தாவுபா-
வுத்தத்யாத சிவஸ்ய ஸன்னிதிகதோ வ்யாஸோ முனீனாம் வர: | 
யஸ்ய ஸ்தம்பிதபாணிரானதிக்ருதா நந்தீச்வரேணாபவ-
த்தஸ்மின்மே ஹ்ருதயம் ஸுகேன ரமதாம் ஸாம்பே பரப்ரஹ்மணி ||௫|| 

 

ஆகாசச்சிகுராயதே தசதிசாபோகோ துகூலாயதே 
சீதம்சு: ப்ரஸவாயதே ஸ்திரதரானந்த: ஸ்வரூபாயதே | 
வேதாந்தோ நிலயாயதே ஸுவினயோ யஸ்ய ஸ்வபாவாயதே 
தஸ்மின்மே ஹ்ருதயம் ஸுகேன ரமதாம் ஸாம்பே பரப்ரஹ்மணி || ||௬|| 

 

விஷ்ணுர்யஸ்ய ஸஹஸ்ரநாமநியமாதம்போருஹாண்யர்ச்சயன்-
நேகோநோபசிதேபு நேத்ரகமலம் நைஜம் பதாப்ஜத்வயே | 
ஸம்பூஜ்யாஸுரஸம்ஹதிம் விதலயம்ஸ்த்ரைலோக்யபாலோ(அ)பவ- 
த்தஸ்மின்மே ஹ்ருதயம் ஸுகேன ரமதாம் ஸாம்பே பரப்ரஹ்மணி ||௭|| 

 

ஸௌரிம் ஸத்யகிரம் வராஹவபுஷம் பாதாம்புஜாதர்ச்சனே 
சக்ரம் யோ தயயா ஸம்ஸ்தஜகதாம் நாதம் சிரோதர்சனே | 
மித்யாவாசமபூஜ்யமேவ ஸததம் ஹம்ஸஸ்வரூபம் விதிம்
தஸ்மின்மே ஹ்ருதயம் ஸுகேன ரமதாம் ஸாம்பே பரப்ரஹ்மணி ||௮|| 

 

யஸ்யாஸன் தரணீஜலாக்னிபவனவ்யோமார்க்கசந்த்ராதயோ 
விக்யாதாஸ்தனவோ(அ)ஷ்டதா பரிணதா நான்யத்ததோ வர்த்ததே | 
ஓங்காரார்த்தவிவேசனீ ச்ருதிரியம் சாசஷ்ட துர்யம் சிவம் 
தஸ்மின்மே ஹ்ருதயம் ஸுகேன ரமதாம் ஸாம்பே பரப்ரஹ்மணி ||௯||

 

விஷ்ணுப்ரஹ்மஸுராதிபப்ரப்ருதய: ஸர்வே(அ)பி தேவா யதா 
ஸம்பூதாஜ்ஜலதேர்விஷாத்பரிபவம் ப்ராப்தாஸ்ததா ஸத்வரம் | 
தானார்த்தாஞ்சரணாகதானிதி ஸுரான் யோ(அ)ரக்ஷதர்தக்ஷணா-
த்தஸ்மின்மே ஹ்ருதயம் ஸுகேன ரமதாம் ஸாம்பே பரப்ரஹ்மணி ||௧0|| 

 

இதி ஸ்ரீமத்பரமஹம்ஸபரிவ்ராஜகாசார்யஸ்ய  ஸ்ரீகோவிந்தபகவத்பூஜ்யபாதசிஷ்யஸ்ய 
ஸ்ரீமச்சங்கரபகவத: க்ருதௌ ஸாம்பதசகம் ஸம்பூர்ணம் ||

Related Content