Home >
Scripture >
scripture >
Sanskrit
Copy linkभेदभङ्गाभिधानस्तोत्रम् - Bhedabhanggaabhidhaana Stotram
Singer
Please select an Audio
Play Song
Source language
Sanskrit
Translation language
Click on the songs to view the meaning
Bhedabhanggaabhidhaana Stotram
चतुर्वाहनाभ्यम्बुजाद्भूतवन्तं भवन्तं भवच्छेदकर्तारमुग्रम् ।
मुखानां चतुष्कं दधानं प्रधानं शिवं सृष्टिकर्तारमीशानमीडे ॥१॥
उमाङ्कश्रितं स्वं करं चोत्क्षिपन्तं गिरीशोत्तमाङ्गस्थचन्द्रं दिधीर्षुम् ।
मुहुर्गर्जितं सस्मितं सर्वपूज्यं शिवं विघ्नहर्तारमीशानमीडे ॥२॥
सुमेरोः समन्तात्सदैवाशु यन्तं सहस्रोस्रभासा नभो भासयन्तम् ।
जगद्भद्रहेतोर्धृतानेकरूपं शिवं व्याधिहर्तारमीशानमीडे ॥३॥
रमाजानकीरुक्मिणीजाम्बवत्याद्यनेकस्वशक्तिस्फुरद्वामभागम् ।
हृषीकेशरामाघशित्र्वादिसंज्ञं शिवं सर्वदातारमीशानमीडे ॥ ४॥
धनाध्यक्षरूपेण ऋक्थान्यवन्तं कुबेरालकेशादिनामौघवन्तम् ।
पुलस्त्यान्वयोत्पत्तिभाजं विराजं शिवं द्रव्यदातारमीशानमीडे ॥५॥
प्रशस्तारुविद्यानिधानं सुधानं स्वभूस्वापपर्यङ्कतां सन्दधानम् ।
अनन्तावतारच्छलेनाधिशीष शिवं भूमिधर्तारमीशानमीडे ॥६॥
अनेकक्रियारूपनामप्रकाशैर्निजं देवतापञ्चकं दर्शयन्तम् ।
तथैवावतारान् दशान्यांश्च लोके नटं वाखिलं दैवतं ज्योतिरीडे ॥७॥
श्रुतेर्नेह नानेति शब्दप्रमाणैर्मुनिम्यस्तदर्थावयवैः पुराणैः ।
निजामेकतां द्योतयन्तां सुधीम्यः सदासच्चिदात्मानमीशानमीडे ॥८॥
अजस्रेश्वराराधने दत्तचेता महात्माच्युताद्याश्रमान्तः परिव्राट् ।
अकार्षीदिदं भेदभङ्गाभिधानं मुदे स्तोत्रमन्तर्भिदाभङ्गभाजाम् ॥९॥
इति श्रीमत्परमहंसपरिव्राजकाचार्यश्रीमदच्युताश्रमविरचितं भेदभङ्गाभिधानस्तोत्रं समाप्तम् ॥