॥ श्री हरदत्तचार्यकृता पञ्चरत्नमालिका ||

गायत्री वल्लभत्वात् दशरथतनय  स्थापिताराधितत्वात् 
शौरे: कैलासयात्राव्रतमुदितयांऽभीष्ट सन्तानदानात् । 
नेत्रेणस्वेन साकं दशशतकमलैः विष्णुनापूजितत्वात् 
तस्मै चक्रप्रदानादपि च पशुपतिः सर्वदेव प्रकृष्टः ॥ १ ॥ 

कन्दर्पध्वंसकत्वात् गरलकवळनात् कालगर्वापहत्वात् 
दैतेयावासभूतत्रिपुर विदळनात् दक्षयागे जयित्वात् । 
पार्थस्य खानदानात् नरहरि विजयात् माधवे स्त्री शरीरे 
शास्तुस्संपातकत्वादपि च पशुपतिः सर्व देवप्रकृष्टः ॥२ ॥ 

वाराणस्यां पाराशरि नियमि भुजस्तंभनात् प्राक्पुराणां 
प्रध्वंशे केशवेनाश्रितवृषवपुषा धारित क्ष्मातलत्वात् । 
अस्तोकै ब्रह्मशीषै रनिशगलकृतालंक्रिया भूषितत्वात् 
दानात्प्रज्ञान मुक्त्योरपि च पशुपतिः सर्वदेवप्रकृष्टः ॥३ ॥ 

भूमौ लोकैरनेकैः सततविरचिताराघितत्वादमीषाम् 
अटैश्वर्य प्रदानात् दशविधवपुषा केशवेनाश्रितत्वात् । 
हंसक्रोडाङ्गधारि द्रुहिण मुरहरान्विष्ट शीर्षांघ्रिकत्वात् 
जन्म ध्वंसा द्यभावात् अपि च पशुपतिः सर्वदेवप्रकृष्ठः ॥ 

वैशिष्टये योनि पीठायितमुररिपु श्लिष्टभावेन शंभोः 
सस्त्रीकार्द्ध प्रतीकायित हरिवपुषाऽलिंगतत्वेन यद्वा । 
अप्राधान्यात् विशिष्टाद्वय समधिंगमे दानवानामरातेः 
शंभोरुत्कृष्ट भावादपि च पशुपतिः सर्वदेव प्रकृष्टः ॥५ ॥