श्रीशङ्खपाणि कमलेश वृषाधिरूढ ।
मत्तेभचर्म परिकर्मित दिव्यगात्र !
प्रेमाश्रुपातपुलकाञ्चितभक्तवन्द्य !
केदीश नाथ सुखदं तव सुप्रभातम् ।।

कालाग्निदग्ध भसितामल भव्यगात्र!
कटालाम्बुताप कमनीय सुनीलकण्ठ !
काञ्चीगुणोज्वल सुमध्यमयासमेत !
केदीश नाथ सुखदं तव सुप्रभातम् ।।

आम्नायसूक्त महितामर भूसुरेश ।
क्षीरोदतीररसिते नगरे च रम्ये !
त्वष्ट्रा निबद्ध निलये नियताधिवास !
केदीश नाथ सुखदं तव सुप्रभातम् ।।

सूर्येन्दुनेत्र नयनोपरि भालनेत्र !
स्वर्धेनुदुग्धतटिनीतट भासमान !
सामादि वेद विनुताखिल वेदनाद(वेदनाथ)  !
केदीश नाथ सुखदं तव सुप्रभातम् ।।

भक्तार्ति भञ्जन विधावतिशायिदक्ष !
चिन्ताधिरूढ विविधाधिविलोपकारिन् !
विध्वंस्य रक्षक पुरातन कर्मरोगान् !
केदीश नाथ सुखदं तव सुप्रभातम् ।।

बालौक्षतीक्ष सुमशेखर वैद्यनाथ !
बालाम्बिका हृदयपङ्कज भानुमूर्ते!
हत्वा मलं च कृपया भवरोगहारिन् !
केदीश नाथ सुखदं तव सुप्रभातम् ।।

भीषाकरस्य च पुराणवराह मूर्ते
रूत्पाट्य दंश्शकलं भुजमध्यभागे ।
धृत्वानिशं त्रिदशरक्षक पुण्यमूर्ते !
केदीश नाथ सुखदं तव सुप्रभातम् ।।

पृथ्वीजलानलमरूत्खरवीन्दुयज्व-
मूर्त्याष्टदिक्षुविलसत्परमात्मरूप !
कट्यां निबद्धमणि भूषण शोभमान !
केदीश नाथ सुखदं तव सुप्रभातम् ।।

मूर्तित्रयात्मक गुरो मुनिबृन्द सेव्य !
विख्यातशक्ति शिवरूप नभिन्नमूर्ते !
प्रारब्ध सञ्चित फलादि निगृण्धनेश !
केदीश नाथ सुखदं तव सुप्रभातम् ।।

केदीश दिव्य चरणम्बुजमाश्रितानाम् ।
प्रेतेशभीर्नहि कदापि भवेच्च सत्यम् ।
लोकेsपि सर्वमभिवाञ्छितमाप्नुवन्ति ।
केदीश नाथ सुखदं तव सुप्रभातम् ।।

प्रपत्तिः

मौर्वीं विदाय फणिराजमिषुञ्चविष्णुम्।
चापं विदाय सुरसेवितरत्नसानुम्।।
हासेन दग्ध सुरशत्रुपुरत्रयारे।
केदीशनाथ चरणं शरणं प्रपद्ये ।।

नानाविहारविहिताद्भुतदिव्यशील ।
गीर्वाणवागशितधारत नीलकण्ठ  ।।
सर्गादिपञ्चकृतिजीवदयापरेश ।
केदीशनाथ चरणं शरणं प्रपद्ये ।।

बालेन्दुभासित निबद्धजटाग्रचूड ।
सिञ्चाननूपुरपदाम्बुजशोभमान ।।
भस्मानुलेपविशतीकृतदिव्यगात्र ।
केदीशनाथ चरणं शरणं प्रपद्ये ।।

व्याघ्राजिनाम्ब   धरार्ध्रय कुरङ्गपाणे ।
धर्मोग्रदर्प शिथिलीकरशूलपाणे ।।
मूर्तापिनम्र कलिकर्म विलोपदक्ष ।
केदीशनाथ चरणं शरणं प्रपद्ये ।।

गीर्वाणदैत्य विधिशीर्ष किरीटरत्न ।
कान्तिप्रवाह शबलीकृतपादपद्म ।।
नक्तं दिवं शिखिकृतार्चन हृष्टचेतः।
केदीशनाथ चरणं शरणं प्रपद्ये ।।

सञ्चञ्जटा जटिविगह्वर निस्सरन्ति ।
स्वर्वाहिनीधर गिरीश  सुतार्धदेह।।
श्रीपाण्डयभूपतनयाशय सिद्धिदेश ।
केदीशनाथ चरणं शरणं प्रपद्ये ।।

ध्यानेनभूत सनकादिमुनीश्वराणाम्।
तत्वार्थबोधकगुरो सकलात्मनाथ।।
श्रीशादि भक्तपरिसेवित पङ्कजाङ्ग्रे ।
केदीशनाथ चरणं शरणं प्रपद्ये ।।

मागन्धभूग कदलीतरुषण्डरम्ये।
त्वष्ट्रा विनिर्मितपुरे नियतादिवास।।
श्वेताचलोत्तर दशास्य कृपाकरेश ।
केदीशनाथ चरणं शरणं प्रपद्ये ।।

अन्विष्य मूर्त्तचरणं त्वनवेक्षमाण ।
ब्रह्मारविन्दनयनाक्षि गतात्मरूप।।
गौरीसमेतपयसां नदितीरवास ।
केदीशनाथ चरणं शरणं प्रपद्ये ।।

त्वामेव देवचरणं शरणं प्रपन्नम्।
नो माद्भजेर्नहि ममान्य गतिर्महेश।।
भक्तिं स्थिरां गमय मां तव पादपद्मे ।
केदीशनाथ चरणं शरणं प्रपद्ये ।।

माता त्वमेव जनको मम बन्धुवर्गो
भ्राता त्वमेव सकलं मनसा विचिन्त्य
तवत्पादपद्ममकरन्दरसं पिपासुः ।
केदीशनाथ चरणं शरणं प्रपद्ये ।।

मङ्गलम्

१)नमस्ते साम्बरुद्राय नमस्ते परमात्मने ।
क्षीरवापी तटावासी केदीशाय च मङ्गलम् ।।

२)आदिमध्यान्तशून्याय सर्वाधारस्थिताय च।
क्षीरवापी तटावासी केदीशाय च मङ्गलम् ।।

३)ब्रह्मविष्णुस्वरूपाय सर्गपालनहेतवे ।
क्षीरवापी तटावासी केदीशाय च मङ्गलम् ।।

४)उमार्धदेहरूपाय कारुण्यरससिन्धवे।
क्षीरवापी तटावासी केदीशाय च मङ्गलम् ।।

५)नमस्सुन्दररूपाय सुन्दरीप्राणनायक।
क्षीरवापी तटावासी केदीशाय च मङ्गलम् ।।

६)नमस्ते जगदाधार नमस्त्रैलोक्यपालन।
क्षीरवापी तटावासी केदीशाय च मङ्गलम् ।।

७)नमस्ते वेदवेद्याय वेदमन्त्रस्वरूपिणे।
क्षीरवापी तटावासी केदीशाय च मङ्गलम् ।।

८)नमो ज्योतिस्वरूपाय लिङ्गरूपधराय च।
क्षीरवापी तटावासी केदीशाय च मङ्गलम् ।।