logo

|

Home >

Scripture >

scripture >

Sanskrit

ईश्वर प्रार्थना स्तोत्रम् - Ishvara Prarthana Stotram

Ishvara Prarthana Stotram

 

ईश्वर प्रार्थना स्तोत्रम् - PDF


ईश्वरप्रार्थनास्तोत्रम्

ईश्वरं शरणं यामि क्रोधमोहादिपीडितः ।
अनाथं पतितं दीनं पाहि मां परमेश्वर ॥ १॥ 

प्रभुस्त्वं जगतां स्वामिन् वश्यं सर्वं तवास्ति च ।
अहमज्ञो विमूढोऽस्मि त्वां न जानामि हे प्रभो ॥२॥ 

ब्रह्मा त्वं च तथा विष्णुस्त्वमेव च महेश्वरः ।
तव तत्त्वं न जानामि पाहि मां परमेश्वर ॥३॥ 

त्वं पिता त्वं च मे माता त्वं बन्धुः करुणानिधे ।
त्वां विना नहि चान्योऽस्ति मम दुःखविनाशकः ॥४॥ 

अन्तकाले त्वमेवासि मम दुःख विनाशकः ।
तस्माद्वै शरणोऽहं ते रक्ष मां हे जगत्पते ॥५॥ 

पितापुत्रादयः सर्वे संसारे सुखभागिनः ।
विपत्तौ परिजातायां कोऽपि वार्ताम् न पृच्छति ॥६॥ 

कामक्रोधादिभिर्युक्तो लोभमोहादिकैरपि ।
तान्विनश्यात्मनो वैरीन् पाहि मां परमेश्वर ॥७॥ 

अनेके रक्षिताः पूर्वं भवता दुःखपीडिताः ।
क्व गता ते दया चाद्य  पाहि मां हे जगत्पते ॥८॥ 

न त्वां विना कश्चिदस्ति संसारे मम रक्षकः ।
शरणं  त्वां प्रपन्नोऽहं त्राहि मां परमेश्वर ॥९॥

ईश्वर प्रार्थनास्तोत्रं योगानन्देन निर्मितम् ।
यः पठेद्भक्तिसंयुक्तस्तस्येशः संप्रसीदति ॥१०॥ 

इति श्रीयोगानन्दतीर्थविरचितं ईश्वरप्रार्थनास्तोत्रं संपूर्णम् ॥

 

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

शिवसहस्रनामावलिः (महाभारत) - shiva sahasra naamaavaLi from

श्री शिवापराधक्षमापण स्तोत्रम - Shivaaparaadhakshamaapana