Shri margabandhustotram

श्री मार्गबन्धुस्तोत्रम

Please send your corrections

shrI mArgabandhustotram श्री मार्गबन्धुस्तोत्रम शंभो महादेव देव शिव शंभो महादेव देवेश शंभो शंभो महादेव देव फालावनम्रत्किरीटं फालनेत्रार्चिषा दग्ध पञ्चेषुकीटम । शूलाहतारातिकूटं शुद्दमर्धेन्दुचूडं भजे मार्गबन्धुम ॥ शंभो .... अङ्गे विराजद्भुजङ्गं अभ्र गङ्गा तरङ्गाभि रामोत्तमाङ्गम । ओंकारवाटी कुरङ्गं सिद्द संसेविताङ्घ्रिं भजे मार्गबन्धुम ॥ शंभो .... नित्यं चिदानन्धरूपं निह्नुताशेष लोकेश वैरिप्रतापम । कार्तस्वरागेन्द्रचापं कृत्तिवासं भजे दिव्यसन्मार्गबन्धुम ॥ शंभो .... कन्दर्पदर्पघ्नमीशं कालकण्ठं महेशं महाव्योमकेशम । कुन्दाभदन्तं सुरेशं कोटिसूर्यप्रकाशं भजे मार्गबन्धुम ॥ शंभो .... मन्दारभूतेरुदारं मन्थरागेन्द्रसारं महाघौर्यदूरम । सिन्धूरदूरप्रचारं सिन्धुराजातिधीरं भजे मार्गबन्धुम ॥ शंभो .... अप्पय्ययज्वेन्द्रगीतं स्तोत्रराजं पठेद्यस्तु भक्त्या प्रयाणे । तस्यार्थसिद्दिं विधत्ते मार्गमध्ये.अभयं चाशुतोषी महेशः ॥ शंभो महादेव देव शिव शंभो महादेव देवेश शंभो शंभो महादेव देव  ॥ इति अप्पय्य दीशितप्रणितम श्रीमार्गबन्धुस्तोत्रम संपूर्णम ॥